Mening Kundaligim

2022-10-02 11:15:32 Assalomu alaykum va rahmatullohi va barokatuh! Aziz kanalimiz obunachilari, oxirgi paytlar o'qish va ishlar bilan bo'lib kanalga vaqt ajratolmayapman. Shuning uchun ma'lum vaqtga kanal faoliyatini to'xtatyapman. In shaa Alloh kelajakda sizlar uchun yanada foydali bo'lgan postlar bilan qaytaman.

Kanal butunlay yopilmaydi

Shu kungacha qo'yib borilgan postlar sizlarga foydali bo'ldi degan umiddaman
In shaa Alloh ko'rishguncha, sog' bo'linglar! Alloh barchangizni panohida asrasin

Hurmat bilan Admin

Mening Kundaligim Ochish/sharhlash

2022-09-26 12:05:08 Assalomu alaykum hurmatli obunachilar sizlarga zo'r yangiligimiz bor.

Negadir kanal faoliyatidan ko'nglimiz to'lmayapti. Faqat bir xil postlar tashlab sizlarni ham zeriktirib qoydik(menimcha). O'zimizning ham ko'nglimiz to'lmayapti. Shuning uchun TEZ KUNDA yangi loyiha boshlamochimiz. U loyihada sizga bir-biridan qiziqarli bo'lgan postlar ya'ni foydali maslahatlar, motivatsion postlar, buyuklar hayotidan qiziqarli voqealar, xullas o'zingizni shaxs sifatida anglashingiz uchun oz bo'lsa-da yordam beradigan loyihani boshlamoqchimiz.
Nimaga bu ishga qo'l urdik?
Chunki obunachilarimizning fikrini inobatga olib, shuningdek o'zimizning qiziqishlarimiz ham ustun kelib, shunday qilishga qaror qildik. Sizdan iltimos kanalimizni kuzatishda davom eting. Bizdan uzoqlashmang yangiliklarimiz judayam ko'p!!! Ochish/sharhlash

2022-09-25 19:30:09 #kechki_mutolaa

Oppoq qog‘oz va qora dog‘

Professor darsxonaga kirib kelishi bilanoq talabalaridan ajoyib bir testga tayyorgarlik ko‘rishlarini so‘radi. Talabalar biroz tashvishga tushgan holda test boshlanishini kutishar edi. Muallim har doimgidek test qog‘ozini orqa o‘girib tarqatib chiqdi. Talabalar test savollarini o‘qish maqsadida qog‘ozni o‘girishdi. Qog‘oz o‘rtasida bitta qora nuqtadan boshqa hech qanday topshiriq yo‘q edi. Bundan ajablangan talabalar bir-birlariga hayron qarab qolishdi.

Professor talabalarning yuzida ajablanishni ko‘rishi bilan ularga: “Men qog‘ozda nimani ko‘rayotgan bo‘lsangiz, shu haqda yozishingizni so‘rayman”, dedi. Talabalar ikkilanish bilan tushunarsiz shartni bajarishni boshladilar. Darsning oxiriga kelib, professor barchadan qog‘ozlarni yig‘ib olib, har bir talabaninng yozgan javobini ular oldida ovoz chiqarib o‘qiy boshladi. Talabalarning barchasi faqatgina qora nuqta haqida, uning qog‘ozning o‘rtasida joylashgani haqida yozgan, o‘z fikrini bayon qilgan edilar.

Javoblar o‘qib bo‘lingach, oraga sukunat cho‘mdi va biroz o‘tib professor talabalarga: “Men bu javoblarga baho qo‘ymoqchi emasman. Sizlarni mulohazaga chorlamoqchiman xolos. Hech kim o‘z javobida qog‘ozning oq qismi haqida hech narsa yozmapti. Barcha diqqat-e’tiborni qora nuqtaga qaratibdi. Afsuski xuddi shu holat bizning hayotimizda ham mavjud. Biz har doim insonlarning yomon odatlariga e’tibor beramiz, xuddi qog‘ozdagi qora nuqta kabi. Aslida qog‘ozning oq joyi qora nuqtaga qaraganda ancha darajada ko‘p. Tiriklik Xudo tarafidan bir-birimizga yordam berish, qayg‘urish uchun berilgan sovg‘a. Hayotimiz xursandchiliklarga, yaxshiliklarga, yaxshi insonlarga to‘ladir. To‘g‘ri, o‘sha qora nuqtaga ham e’tibor qaratishimiz, uni to‘g‘rilashga yordam berishimiz kerak. Lekin bu oq joylarni unutmagan holda bo‘lishi kerak. Qora nuqta esa oq joylarga nisbatan juda ham kichkina, ko‘rinmasdir”, dedi.

Mirnosir Hasanov tarjimasi.

Telegram | Mening Kundaligim Ochish/sharhlash

2022-09-25 13:30:17 #iqtibos

Odamlar bilan aqli yetmaydigan mavzular haqida gaplashsangiz, ular sizni ahmoq deb o'ylashadi.

Elvis Presli

Telegram | Mening Kundaligim Ochish/sharhlash

2022-09-25 10:30:26 #iqtibos

Agar savol bergan bo'lsangiz, demak, javobning yarmini allaqachon bilasiz.

Xan Syanzi

Telegram | Mening Kundaligim Ochish/sharhlash

2022-09-25 07:30:10 #hayrli_tong #kulgu_vaqti

Bolakay dadasidan so'radi:
- Dada, nega oyimga uylangansiz?
Dada nariroqda o'tirgan xotiniga qarab, dedi:
- Ko'rdingmi, hatto bola xayron bo'lyapti senga qaysi kalla bilan uylanganimga

Telegram | Mening Kundaligim Ochish/sharhlash

2022-09-24 19:00:00 #kechki_mutolaa

Sultonga dars bergan qul

''Eng go‘zal hikoyatlar-2'' tanloviga

Ayoz ismli bir qul taqdir bo'lib, Sulton Mahmudning xizmatkori bo'libdi. Sulton qulining odob-axloqini ko'rib, uni yaxshi ko'rib qolibdi. Shunchalik ishonchini qozonibdiki, butun saltanatning xazinaboni etib tayinlanib, saroyning barcha xazina-boyliklari unga topshiriladigan bo'libdi. Bu holatni ko'rgan saroydagilarning ba'zilari bunga hasad qilishibdi. Hasad va kibrlari tufayli ''shunday oddiy bir qulga bunchalik katta mavqe’ berilishi''ni va o'zlarining shu darajada ham obro'lari yo'qligini o'zlariga singdira olmabdilar. Holat shunday davom etgach, Sultonga har kuni, har xil bahona bilan Ayozdan shikoyat qila boshlashibdi. Uning obro'yini tushirish uchun qo'llaridan kelgan hamma yo'lni sinab ko'rishibdi.

Kunlarning birida Sultonning huzurida bir saroy a'yoni ikkinchisiga: ''Qul Ayoz xazinaga tez-tez qatnaydigan bo'lib qoldi, bilasanmi? Menimcha u gavharlarimizni o'g'irlab yuribdi. Bunga aminman'', debdi.

Buni eshitgan Sulton quloqlariga ishonmay ''Haqiqatdan ham shundaymikin, shunday bo'lsa o'z ko'zim bilan ko'rayin'' deb, xazina xonasi devoriga kichkinagina teshikcha teshdiribdi. Shunday qilib, ichkarida bo'layotgan narsalarni tomosha qilishni boshlabdi.

Kech tushibdi, qul sekin saroy xazinasiga borib, eshikni ham bildirmasdan yopib ichkariga kiribdi. Sulton qulning sandiq oldiga yaqinlashganini ko'ribdi. U yerda yashirib qo'ygani kichkinagina bir tugun ekan. Tugunni o'pib, peshonasiga surtib uni ochibdi. Ichidan qullik payti kiygan eski-tuski kiyimi chiqibdi. Uni kiyib oynaning oldiga o'tibdi. O'ziga o'zi: ''Avvallari shu kiyimni kiyib yurganingda kim ekanligingni eslaysanmi?'' – deb so'rabdi. – Hech kim… Bor yo'g'i sotiladigan qul eding, xolos. Alloh senga Sultonning qo'li bilan, loyiq bo'lmasang ham O'z rahmatidan shunday ne'matlarini lutf qildi. Aslo qayerdan kelganingni unutma! Chunki mol-mulk insonning aqlini oladi, unutishga majburlaydi. Shunday ekan, sen ham sendan kamroq ne'matga ega bo'lganlarga past nazar bilan qarab, kibrlanma! Buni aslo unutma, ey Ayoz! – deb sandiqni yopib, qulflabdi va sekingina eshikdan chiqibdi. Xazinadan chiqar-chiqmas, Sulton bilan yuzma-yuz kelibdi. Shunda Sulton Ayozga qarab turib, ko'zidan dona-dona yosh oqa boshlabdi. Sulton gapirishga ham qiynalib, tomog'i ham tiqilib qolibdi va o'zini majburlab bo'lsa ham quliga shunday debdi:

— Bugunga qadar boyliklarimning xazinaboni eding. Endi… Qalbimizning ham xazinaboniga aylanding. Menga, haqiqiy Sultonim oldida hech kim ekanligimni va unga qanday munosabatda bo'lishim kerakligini o'rgatding…

Manba: Jaloliddin Rumiy. ''Masnaviy''

Turk tilidan Abdulloh Rahimboyev tarjimasi.

Telegram | Mening Kundaligim Ochish/sharhlash

2022-09-24 16:15:05 #iqtibos

​​​Kamtarlik va oqko'ngillik faqatgina romanlarda taqdirlanadi. Hayotda esa bundan foydalanishadi va keyin uloqtirishadi.

Erix Mariya Remark

Telegram | Mening Kundaligim Ochish/sharhlash

2022-09-24 13:15:00 #iqtibos

Ayollarning ta'lim olishiga ko'nmaydilar. Lekin ayoli kasal bo'lib qolsa, ayol shifokor qidiradilar.

Doktor Ali Virdiy

Telegram | Mening Kundaligim Ochish/sharhlash