РАМАЗОН ВИДОСИ Ўттиз кун бўлдим меҳмон, Кимга нақд, кимга ар | Mehrob.uz

РАМАЗОН ВИДОСИ

Ўттиз кун бўлдим меҳмон,
Кимга нақд, кимга армон.
Эдим берилган имкон -
Дейди бизга Рамазон.

Эртадан кечгача то,
Ва кечдан тонггача ё.
Қилинди ёди Худо -
Дейди бизга Рамазон.

Дил раҳматга тўлди лим,
Мағфиратдан қалб солим.
Дўзахдан ҳур бўлди ким -
Дейди бизга Рамазон.

Кимлар қилди қаноат,
Эрта рўзи қиёмат,
Рўзасидир шафоат -
Дейди бизга Рамазон.

Шайтонга даҳшат солиб,
Нафсига бўлган ғолиб.
Қолди савоблар олиб -
Дейди бизга Рамазон.

Кетаяпман, бўл омон,
Эҳтиётинг қил, инсон.
Саломат бўлсин иймон -
Дейди бизга Рамазон.

Ал-фироқу, ал-фироқ,
Давом этар йўл йироқ.
Бизлар биргамиз бироқ -
Дейди бизга Рамазон!

БОБУР БОБОМУРОД
Яқинларингизга улашинг!
Каналга уланиш:
https://t.me/joinchat/AAAAAD-ZGmdHp-O75FyVsg