Намозни дунё учун ҳар тарк этганингизда, сиротнинг узунлиги би | Kuch va quvvat ALLOHDANDIR☝️

Намозни дунё учун ҳар тарк этганингизда, сиротнинг узунлиги бир дунё узаяди.

Ҳаётимизнинг издан чиққанига сабаб изласак, ё намоз ўқимаяпмиз, ёки қойим қилиб ўқий олмаяпмиз. Чунки намоз ҳаётимизнинг тизгинидир. Сочилганимизда тўплайди, йиқилганимизда оёққа турғизади, унутганларимизни эсга солади, камчиликларимизни тўлдиради, хатоларимизни тузатади.
Фақатгина намоз

Намоз ҳақида оятларда

Сабр ва салот (намоз ўқиш) билан мадад сўранглар. Албатта у (намоз ўқиш) оғир ишдир. Магар ўзларининг Парвардигорларига рўбарў бўлишларини ва шубҳасиз, унга қайтажакларини биладиган шикастанафс зотларга (оғир эмасдир)
(Бақара сураси 45-46 оятлар)

Эй мўминлар, сабр қилиш ва намоз ўқиш билан (Мендан) мадад сўранглар! Албатта Аллоҳ сабр қилгувчилар билан биргадир.
(Бақара сураси, 153 оят)

Албатта иймон келтирган, яхши амаллар қилган ва намозни тўкис адо қилиб, закотни берган зотлар учун Парвардигорлари ҳузурида ажр бор. Улар учун ҳеч қандай хавф-хатар йўқ ва улар ғамгин бўлмайдилар.
(Бақара сураси,277 оят)
@Mehribonim_Robbim