MazMun

2019-08-11 15:44:39 Qurbon Hayit ayyomingiz muborak bo'lsin, yurtdoshlar! Ochish/sharhlash

2018-09-07 22:48:02 @Mazmun_tv Ochish/sharhlash

2018-07-13 09:20:36 Hammamizga Juma ayyomlari muborak bo'lsin Ochish/sharhlash

2018-06-22 12:16:21 Barchamizga Juma ayyomi muborak bo'lsin
Bizga qo'shiling
https://t.me/joinchat/AAAAAEyOsbthi_2_ueGI-g Ochish/sharhlash

2018-06-21 13:22:24 ЯЛМОҒИЗ
- Сен билан ортиқ яшай оломайман. Мен ҳақиқий севгимни энди топдим, - деди эркак баралла хотинига.
- Дадаси, кўзингизни каттароқ очинг, кўчадан илашган сизга хотин бўла олмайди. Майли, фарзандларимиз ҳақи сизни кечираман. Уларни уйли-жойли қиладиган пайтда ўзингизнинг бу аҳволда юришингиз уят, - зориллади аёли.
- Сен ҳақиқий севги қанақалигини қаердан ҳам билардинг, - аёлига паст назар билан қаради эркак. – Ўзингга бир қара, қариб қолгансан. Сочингга оқ, юзингга ажин тушган. Сен..., сен ялмоғизсан!
- Ўша кўчадан илакишганингизни кўрдим. У ҳам олма-ю нок эмас экан. Нари борса мендан уч-тўрт ёш кичик экан. Сизгача нечта эркакка жазман бўланини-ю, сиздан кейин яна неча кишининг уйини хонавайрон қилади, Худо билади.
- Овозингни ўчир!- ўшқирди эр хотинига. – Унга тил теккизма! У маъсума, фаришта!
Шундай деди-ю кийимларини олиб чиқиб кетди. Ялмоғиз хотини ва “ялмоғизваччалар” — болалари дилда нафрат билан қолаверишди. Аммо бунинг унга сира қизиғи йўқ. У висолга ошиқмоқда эди. Қариган чоғида топган ҳақиқий муҳаббати уни кутмоқда.
- Жоним, тезроқ келинг, иккимиз учун бир ижара уй топдим, - “севгилиси” уни шоширди телефонда.
Эркак одамлар назаридан уялиб жазмани айтган уйга тун чўкканда кириб келди. Кирди-ю... ўзини деворлари тўкилиб ётган, оҳак излари кўчиб тушган, тирқишларидан калтакесаклар югуриб юрган хонада кўрди. Шу топда хотини чинни чироқдек қилиб қўядиган уйи кўзига кўриниб кетди. Аммо энди ортга йўл йўқ. “Майли, бир-биримизга етишсак бўлди. Севишганлар учун уй муҳим эмас”- ўзини овутди у. Жисми “севгилиси”нинг висолига талпинмоқда эди. Ерга тўшаб қўйилган эски кўрпачага чўзилди.
- Кел, жоним, бағримга!- у қўлларини жазмани томон чўзди.
- Ҳозир, ҳозир...- жазмани синиқ ойна олдида куймаланарди. Эркак қўлларини бошига ёстиқ қилиб уни кузатиб ётди. Жазмани бир стакан сув олиб кирди.
“Фаросатига қойилман!”- ўйлади эркак. – Менинг кечаси уйғониб сув ичишимни билади, шунинг учун олиб кирган”. У “севгилиси” билан кундуз кунлари хилват жойларда учрашарди, бу сеҳрли тун улар учун биринчиси. Ширин хаёлларга берилиб кўзларини юмди. Бир пайт ниманингдир сувга шалоп этиб тушган овози эшитилди. Суюклиси билан ўтажак бетакрор тун орзусидаги эркак чўчиб кўзини очди. Не кўз билан кўрсинки, фариштамисол севгилиси оғзидаги протез тишини бус-бутунича чиқариб стакандаги сувга солди. Сўнг бошидаги ясама сочини ҳам ечиб, эркакка тиржайди:
- Мен сизникиман, жоним!
Ойнинг хира нурида унинг сочсиз боши ғалати тарзда йилтиллар, ўрадек тишсиз оғзи тиржайганида эртаклардаги қон сўриш ниятидаги ялмоғизнинг оғзини эслатарди... Ochish/sharhlash

2018-06-20 19:54:13 ҲАЁТ НИМА?
— Ҳаёт нима? — сўрадим бир куни бобомдан.
— Азон билан намоз ораси, — деб жавоб қилдилар
— Бу нима дегани? Умр шунчалар қисқами, бобожон?
Табассум қилиб дедилар:
— Сен нима деб ўйлагандинг. Ҳаёт шунчалар қисқа. Лекин у азон билан ўша намозни биласанми?
— Йўқ, билмайман.
— У шундай азонки, намози йўқ. У шундай намозки, азони йўқ.
— Улар нима, бобожон?
— Эсингдами, Толиб амакинг янги туғилган чақолоқнинг қулоғига азон айтганди. Ўша намозсиз азон бўлади.
— Азонсиз намоз-чи, бобожон?
Юзимга термулдилар. Термулдилар ва:
— Бир куни бобонгнинг паймонаси тўлиб, қазо қилганида, уни ҳам билиб оласан, болам, — дедилар.
•┈•┈•┈•┈•❁✿❁•┈•┈•┈•┈• Ochish/sharhlash

2018-06-20 19:54:07 Ochish/sharhlash

2018-06-20 15:17:40 ФАРЗАНД ДОҒИ

Инсоният хар нарсага куникиши мумкиндир, лекин фарзанд догига... 
Куни кеча кушним фарзандидан айрилиб колди. Эндигина 8 ёшга тулган Ширина бу дунёга келиб болаликнинг бегубор онлари, хурсандчилигу шухликлари насиб килмади. Эсимда, эндигина махалламизга кучиб келишганида 3 ёшлар атрофида эди. Уни курсангиз сукингиз кириб, бир мартага булсада сухбатга торгингиз келарди. Ёш булишига карамай анча узун сочлари-ю, какажон гапларидан одам завк оларди. 
Мактаб ёшига етиб негадир Ширина кандайдир маюс, одамохун булиб колди. Кушним Рустамдан сурасам,"Ака билмадим, кизим борган сари камгап булиб кетаяпти. Бирор жойи ограяптимикан деб шифохоналарга хам олиб бордик, лекин докторлар бирор бир жуяли гап айтишмади", дея жавоб кайтарганди. 
Бора-бора кизнинг ахволи ёмонлашарди. Эр-хотиннинг елиб-югурмаган жойи колмади. Шахарнинг нуфузли шифохонасига олиб боришганида врачнинг"Даволашнинг фойдаси йук... Энди бу ёгига сизларга сабр берсин", деган гапларидан сунг Манзура(кушним Рустамнинг аёли) бир сесканди-ю, чикмаган жондан умид, сира тушкинликка тушмади. Хар хил табибларга боришди. Униси бу деди, буниси у деди, бирови тузалади деди, бирови кулимдан келгани шу деб жавоб кайтарди. Кизча оз муддат яхши булиб коларди-ю, яна ахволи ёмонлашарди. 
Рустам фарзанди согайиб кетиши учун нималар килмади, канча-канча пулларни уша"табиблар"учун"совурди". 
Манзура бир гап топиб келди."Шахарда бир хусусий клиника бор эмиш, врачи кизимни даволар экан". Эру хотин маслахатлашиб, угилчасини суннат туйига аталган букани сотишга карор килишди. Клиникага кетаётиб, кузига ёш олган Манзурани эри юпатди: 
- Хотин, куп сикилма, омон булсак мол, пул топилади. Шу дардманд кизимиз согайиб кетса булгани. 
Салобатидан от хуркадиган врач кизалокнинг кон тахлили натижаларини куздан кечираркан, хотиржамлик билан: 
- Кизингиз тузалади, хавотирланманг. Операция киламиз. Факат тузалиши учун куп киммат дори-дармонларни ишлатамиз. Чидаб туриб берсангиз бас, деди. 
- Доктор ака, молим-ку, жонимни беришга хам розиман, деб юборди Рустам кизини тузалиб кетишидан умидвор булиб куз ёшларини артиб. 
Врач айтган пулни эр хотин олиб келди, камини кариндош-уруклардан карз олишди. Операция куни тупланган пулларни врачнинг кулига тутказишди. 
- Хавотир олманглар, кизингиз отдай булиб кетади. Яхши булишига ишонмаганимда мен сизлардан хеч нарса олмасдим, - деди ок халатининг чунтакларига кулини соларкан врач жилмайиб. 
Манзура кувончдан терисига сигмай кетди. Канийди, айтгани келса! Чиндан хам операция яхши утди. Аммо орадан бир неча кун утиб Ширина огирлашиб колди. Бир хафтадан кейин кизнинг жони узилди. Боласининг дардида фигон чекаётган Манзура бутун борликни унутди. Кизалокни сунгги манзилига олиб бордик. 
"Ака, мен докторларни айбламайман. Факат коп-коп ваъдаларни бериб, пулларимни, ха майли пулларни энди кураётганим йук-ку, бизларни ишонтириб нима килади. Уларни максади мен берган пулларимга эга булмокчи булган... нега одамлар уз фойдасини уйлаб, узга инсонларни калбини парчалайди, нега... уша пуллар яхшилик кунларига ишлатади, деб уйлайсизми... нега одамлар бундай бир-бирларига бефарк, уз нафси учун хар нарсага тайёр булиб кетишаяпти... Майли... пешонамизда шу кургиликлар хам бор экан-да ака", деб колди маъракасини утказиб, ёлгиз иккимиз колганимизда. 
Нима деб жавоб беришимни билмай аранг огиз очдим: - Сабрли бул, Аллохим шуни хохлабдими унга карши иш килишимизга хаккимиз йук. Лекин бир нарсани билиб куй, кизинг у дунёда сизларни дуода булади,"Аллохим, мен ота-онамни васлига туймадим, уларга Жаннатингдан жой бер, мен уларни висолига, мехрига туяйин". 
Бошка хеч бир суз миямга келмас эди юпатиш учун. 
Хар бандани фарзанд догига мубтало килмасин. Улим хак, у нарсага ширк келтириш гунохи азим... лекин...
#Ibratli_hikoya
#farzand_doĝi Ochish/sharhlash

2018-06-20 15:06:37 Channel photo updated Ochish/sharhlash

2018-06-20 14:52:41 Assalomu Alaykum hurmatli foydalanuvchilar sizlarni yangi ochilgan @Mazmun_tv Kanalimizga taklif etamiz.
MazMun — Hayotining mazmunini birga qidiramiz !!! Ochish/sharhlash