2022-12-01 17:46:44
Bu iymonli, bu iymonsiz... Atrofda tinmay eshitib qolasiz hozir:
-Men iymonli qizga uylanaman, u qiz bunaqa ekan...
-Men iymonli yigitga tegaman, bu yigit bunaqa ekan...
-Falonchii judaaa iymonli har doim ehson qiladi...
-Falonchi bluggr Qur'on o'qiganini ko'rsatdi, iymonli ekan...
-Sojida opa, ayollar o'qisin, ishlasin deb yozasiz, iymonsizmisiz???
O'zi kecha namoz o'qishni boshlagan, Islomni telegram va You Tubedan o'rganganlar insonlarni bemalol iymonli va iymonsizga chiqara olishadi. Ammo, iymon insonni qalbida, sen qalbini ko'rolasanmi? Kim iymonli, kim iymonsiz, Allohdan boshqa hech kim bilmaydi. Hozir qanaqadir gunoh qilayotgan odam, vafotidan 1 kun avval iymonga kelib iymoni bilan o'lishi mumkin. Bir umr ibodatda bo'lib birgina gapi yoki birgina harakati bilan iymonsiz ketganlar qancha. Aslida, Islom birovlarni muhokama qilgin, birovni gapirib kuningni o'tkaz demaydi. O'zingni isloh qil, o'zingni angla, birovni ayblarini hammani oldida ochma deyilgan.
Har so'zida Arab so'zlarini qo'shib gapirish insonni chin musulmon qilmaydi. Arab tilini biladi, Qur'onni o'qiydi degani u mukammal iymonli degani ham emas, qalbida nima maqsadi bor bizga a'yon emas. Har bir ro'mol o'ragan qiz iymonli bo'lmaganidek, ro'mol o'ramagan qiz iymonsiz emas. Kimsani qalbini bilolmaysiz, kimsani harakatlaridan uning asl iymonli yoki iymonsizligini bilolmaysiz. Agar gunoh ish qilayotganini ko'rsangiz, "Vay iymonsiiiiiiz" demasdan u uchun duo qiling, judaaa iymonli bo'lsangiz duoyingiz tegadi.
Men to'ydan avval ro'mol o'ramas edim. Ammo Qur'on o'qirdim, va boshqa amallarimni mukammal qilishga harakat qilardim, albatta hammasi sekin-sekin bo'lgan, diniy adabiyot ko'p o'qirdim lekin bu haqida hecham gapirmasdim. O'zim uchun katta anglashlar olardim. Ammo ko'p ro'molli dugonalarim meni qo'shgisi kelmasdi, nigohidan "Sen iymonsizsan" degan xulosani berishardi. Meni ko'p ishlarim xatoligini ko'p ta'kidlashardi. Men albatta o'zimni noqulay his qilardim. Islomni Asli shumi? Bir musulmon boshqa musulmonni noqulay ahvolga solishimi?
Ba'zi yigitlar esa:" ro'mol o'ramas ekansiz, men iymonli qizga uylanmoqchiman" deyishgan Xullas, hamma har xil sharoitda katta bo'ladi. Bizni ota-onalarimiz aynan Sovetlar dinni ta'qiqlagan zamonlarda katta bo'lishgan, "hijob o'ramoqchiman" degan fikrimizni qanaqa qabul qilishlarini tasavvur qilavering. Chunki ularda pyorishka, qosh terish, makiyaj, ochiq kiyimlar avjiga chiqqan va qizigayam yoshligidan shim kiydirib katta qilishgan. Qizi sochi strechka bo'lishini kutishgan ammo bir kuni qizi: "ro'mol o'rayman" deyapti. Tushunishmaydi. Tushunisholmaydi. Mengayam atrofdan aaaanchagina cheklovlar bo'lgan va ko'p yil bu cheklovlardan chiqolmaganman. Shuning uchun men ro'mol o'ramagan qizni "iymonsiz" demayman.
Shu yoshga kelib chiqargan eng eng katta xulosam insonlarni iymonini muhokama qilmaslik. Chunki, iymon murakkab tushuncha, ba'zan ozayib ba'zan ko'payadi insonda. Qalbini ko'rolmaysizmi? Xulosayam chiqarmang.
Buni bilish uchun 900 ta kitob o'qish shartmas, shunchaki Inson bo'ling, bo'ldiiii!!!
@Sojida_Karimova
25 viewsShaxnoza Anorboyeva, 14:46