Бошланғич синф ўқувчиси ва унинг отаси ўртасидаги суҳбат. Оиладаги таълим ҳақида қизалоқнинг фикрлари...
Отаси томонидан ижтимоий тармоққа юкланган видеода ТингТинг исмли қизалоқ ўқиши билан боғлиқ стрессларини кўзларида ёш билан отасига ифода этмоқда
--
Мен ҳамма вақтимни ўқиш билан сарфлолмаяпман. Тўлиқ ўқий олишим учун менга дам керак. Сизга бир савол бермоқчиман: Сизга ёмон муносабатда бўляпманми? Ёки безорилик қиляпманми? Ниманидир нотўғри қиляпманми? Нима бўлса ҳам менга айтинг ва мен уни тўғирлайман. Лекин менга дарсларимни бажариб бўлгач ўйнаб дам олишим учун бўш вақт керак. Охирги сўрайдиган нарсам - бола эканлигимни ёдингиздан чиқарманг! Видеони кўриб бир томондан болажонга раҳмим келади, иккинчи томондан мени эътиборимни тортган нарса бу, Хитой, Вьетнам, Япония ва бошқа шарқий Осиё давлатларида болаларнинг ҳар бир минути ғанимат сифатида ота-оналар томонидан қаралишига бир исбот сифатида қабул қилдим. Бундай ёрдашув, оилани эртага фақатгина кучли билим олиб улғайган болаларгина порлоқ келажагини ярата олиши, илмсиз келажак йўқлигини ота-оналар қанчалар даражада ҳис қилишини кўрсатади.
Тўғри, бу қизчалик стрессгача туширадиган қаттиққўлликни оқламайман, лекин фақатгина мактабга бориб келяптику, дея мактабнинг 5-6 соатлик дарсига ишониб, сўнг ўйнаб юришига ҳам йўл қўйиб бўлмайди, демоқчиман, болани китоб ва фойдали машғулотлар, спорт тўгараклари билан банд қилиш керак ота-оналар, фақат олтин ўрталикни топган ҳолда, ўқиш ҳамда ўйнаши учун. Худди видеонинг охиридаги ушбу қиз ўйнаб, хурсанд дарс қилганидек...Каналга аъзо бўлиш учун ушбу ҳаволага босинг https://t.me/+WUqwChJg0-U5y_0S
@DOMLAJON
