Mastermind

2022-07-21 12:27:12 Men omadsizman

Sem Uoltonning o’lim oldidan so’ngi so’zlari.

Dunyodagi eng katta supermarket tarmog’i “Wallmart” asoschisi, 65 milliard dollar egasi, dunyodagi eng boy oilaning (265 mlrd$) otasi aytgan so’zlari bu.

Oddiy dehqon oilasidan chiqib, amerika prezidentlari bilan choy ichadigan darajagacha ko’tarilgan Sem umrini oxirida afsuslandi. Farzandlari, nevaralarini yaxshi tanimasligi, oilasi u bilan faqat puli uchun gaplashganini tushundi. Umri ish, biznes, imperiya qurish bilan o’tgani, yarim yo’lda esa maqsadini unutgani esiga keldi.

Oxirgi yillarda ko’p oyoqqa turgan odamlar bilan tanishdim. Hayotdagi juda ko’p muammolarini hal qilishgan. Lekin hammasini emas. Ba’zilari ota-onasini yo’qotib, yetarlicha vaqt o’tkazmaganidan afsusda. Ko’plarini esa farzandlari bilan munosabatlari yomon.

Yillar davomida pul, tanish yig’ishib, ruhiy ozuqa yig’ishmagan. Qilayotgan ishlarida ma’no ko’rishmaydi. Boshidan boshlash uchun esa kech.

Buni tushunib yetish uchun xuddi shuni yashab o’tish shart emas. Niyatimizga, oilamizga e’tibor ajratishni boshlash uchun ba’zan bitta maqola ham yetarli bo’ladi…

@azizrakhimov_blog Ochish/sharhlash

2022-06-10 15:19:35 Lalu.uz loyihamiz mGovAwardning TOP-7 finalchilar orasida. Ochish/sharhlash

2022-06-10 15:19:19 #mGovAward #event

mGovAward tanlovining 7 nafar finalisti aniqlandi

mGovAward - bu davlat xizmatlari doirasida mobil ilovalarni ishlab chiqish bo'yicha yirik tanlov. Tanlovning mukofot jamg'armasi $100 000 ni tashkil etadi va quyidagicha taqsimlanadi:

-o‘rin – $50 000
-o'rin - $30 000
-o‘rin – $20 000

Tanlovning final bosqichida BAA va O‘zbekiston ekspertlar kengashining baholash natijalariga ko‘ra, eng yaxshi finalchilar TOP-7 taligiga quyidagi jamoalar kirishdi:

Math Task - TATU
Braille Recognition - TATU Farg'ona filiali
Robocontest.uz - TATU
Lalu - Toshkent shahridagi INHA universiteti
Tahrirchi - Toshkent shahridagi INHA universiteti
Eco Portal - Toshkent shahridagi INHA universiteti
Don't Waste - Toshkent shahridagi INHA universiteti

Ro'yxat tasodifiy tartibda tuzildi

Taqdirlash marosimi iyul oyida boʻlib o'tadi va unda mGovAward Respublika tanlovi g'oliblari eʼlon qilinadi Ochish/sharhlash

2021-12-11 17:27:00 Jamoamiz bilan yana bir gʻalaba Ochish/sharhlash

2021-10-27 07:50:51 https://webcafe.uz/startapingiz-uchun-flutter/ Ochish/sharhlash

2021-08-19 12:35:47 30 yoshgacha

1. O'zingni o'zgaritmoqchi bo'lsang - buni 25 yoshgacha qilib ol. Ko'pchilik 25 yoshdan keyin o'zgara olmaydi. Mavjud xislatlari kuchayadi xolos.

2. Biz butun umr kasb uchun tayyorlanamiz (maktab, kollej, universitet, kurslar) lekin turmush qurish haqida juda kam bilamiz. Qanday odam bilan, nima uchun, nega turmush qurishingni oldindan aniqlab ol. Oilaviy nizolarning asosiy sababi - noto'g'ri odam bilan turmush qurishda.

3. Katta oylikka qiziqib duch kelgan ishni tanlab ketaverma. Odam o'z darajasidan past ish bilan 6 oydan ko'p shug'ullansa depressiyaga tushadi. Daromadi kam bo'lsa ham - potensiali yuqori ishlarni tanla.

4. Hayotingdagi eng muhim voqealarning 80%dan ko'prog'i 35 yoshinggacha sodir bo'ladi. Bu vaqtni bekorchilik bilan emas, o'zingni anglash, o'qish, tajriba to'plash bilan o'tkaz.

5. 20+ yosh paytingda butun dunyoning vaqti hali oldinda ekandek tuyuladi. Yo'q. Juda kam vaqting qoldi. 30ga kirganingdan keyin bo'sh vaqting hozirgidan 1,5 barobar, 35da 2 barobar kam bo'ladi.

6. Kasbiy rivojlanishingda yaqin do'stlaringdan ko'ra uzoq tanishlaringni foydasi ko'proq tegadi. Yaqin do'stlaring bilan sen komfortdasan. Rivojlanish uchun turtki yo'q. Uzoq tanishlarga esa o'zingni isbotlashing kerak.

7. Meg Jayning The Defining Decade (Важные годы) kitobini o'qiyotgandim. Ochish/sharhlash

2021-08-12 20:43:31 Inson mehnati ortidan kelgan xoh kichik, xoh katta bo'lsin, har qanday ragʻbatdan rohatlanarkan. Bunday deyishimga sabab, deyarli bir yilcha oldin Startup Tashabbuslari tanloviga Lalu.uz loyihamiz bilan qatnashgan edik, bugun telefon qilib o'quv qo'llanmani olib ketishimizni va keyingi bosqichga o'tganligimizni aytishdi. Jamoadoshlarimiz bilan juda hursand bo'ldik, axir mehnatimizni yaxshi baholashdi.

Lekin, 2 oycha avval Google Play Consoledan developer akkauntimiz bloklangani hursandchilikni beliga tepdi. Yaramas google. Ochish/sharhlash

2021-07-24 23:12:59 Xayrli tun hammaga, bugun ustozim Alisher aka Tojiyev o‘zining telegram kanalida yuqoridagi postni chop etgan ekan. Bu videoni ko‘ra turib, bir vaqtlar ko‘rgan bir serialning epizodi (Nosedive - Blask Mirror) yodimga tushdi, unda ham shu videoda aytilganidek, har bir insonning o‘z bahosi (reyting) bo‘ladi va ana shu reytinggiga qarab jamiyatdagi xizmatlardan foydalanish huquqiga ega bo‘lishi yoki undan mahrum bo‘lishi mumkin bo‘ladi.

Ha bu g‘oya qaysidir maʼnoda ideal jamiyat qurishga yordam berishi mumkindir, ammo mening fikrimcha bu o‘zi navbatida insonlaring o‘zligini yo‘qotishiga olib keladi. Aytmoqchimanki, ular o‘zi xohlaganlaridek emas, boshqalar istaganidek yashashlari kerak bo‘ladi. Bunday holatda esa bizga nisbatan, boshqa bir insonlarning aslida qanday fikrda ekanligini bilib olishimizga to‘sqinlik qiladi.

O‘ylab qoldim, bunday jamiyatda yashash naqadar qiyin bo‘lsa kerak deb. Lekin, bir tarafdan bizning odamlar bunga qisman tayyor ekan, qanday deysizmi?! O‘sha biz eshitgan mashhur "Odamlar nima deydi ?!" bunga javob bo‘ladi.

Haaa, kelajakda bizni juda ajoyib voqea-hodisalar kutmoqda.... Ochish/sharhlash

2021-07-24 23:12:48 “Social KPI” haqida ko’p aytardim, mana boshlandi sekin-sekin…

10-15 yilda O’zbekistonda ham joriy qilinadi, eslab qolinglar.

@AkhmatovichUz Ochish/sharhlash