Maʼrufxoʻja | Blog

2022-07-03 11:06:55 #YouTube
Tez Kunda, YouTube da ko'rishamiz

"Ma'rufxo'ja Blog" siz bilan

Sahifamizga obuna bo'ling:
Telegram | Instagram | Facebook Ochish/sharhlash

2022-07-02 05:52:08 Yanglishmovchilik

30-iyungi ko'ngilsizliklar haqida yozgan tanqidiy maqolamda,asosan mazmun shu ediki, "30-iyun kuni Jizzax viloyati,Baxmal tumanida o'tkazilgan yoshlar kuni tadbiri ko'ngildagidek nishonlanmaganligi". Aslida, 30-iyungi bayram 16-iyun kuni nishonlangan ekan,mening esa bundan xabarim yo'q edi. 30-iyun kuni "tadbir ham" prezident selektori ham bo'ladi deyilgan menga qilingan taklifda. Men esa o'sha kungi xulosalarimda tadbirga ko'zim tushmaganligi va tadbir ko'tarinki ruhda o'tmaganligi haqida yozganman.

To'g'rirog'i, 30-iyun kuni tumanda faqatgina yoshlarga bag'ishlangan prezident selektori bo'lishi kerak bo'lgan.Ammo menga aytilishi
"Tadbir va prezident selektori" edi-da! Yozganlarim tuman agentlik boshlig'i R.Tavbayevga yetib boribdi. Noto'g'ri informatsiya bilan, "yoshlarga noto'g'ri tushuntirganlik"da ayblanib, mahalla yetakchisi lavozimidan olinishiga oz qoldi.Men esa maktab tomonidan borganman. Hususan,yetakchilarga adovatim yo'qligini va ularning hozirgi faoliyatida jon borligini aytmoqchiman.Shunchaki,birgina noto'g'ri taklif aybsiz mas'ulning lavozimidan bo'shashiga sabab bo'lishi mumkin edi.

Yanglishmovchilik yuzasidan Baxmal tumani yoshlar agentlik xodimlari va tumandagi yetakchilardan uzr so'raymiz.

Sahifamizga obuna bo'ling:
Telegram | Instagram | Facebook Ochish/sharhlash

2022-06-26 11:11:27 Kun jazirama,shamol esa pisinib esayotgan bu ob-havo taftida biror havzaga borib kalla tashlamang

Issiq ob-havoda, tanadagi issiq harorat (terlash) bilan muzdek suvga shallop etib tushish,oyoq tomirlari tortishib,havzadan qaytib chiqmaslik bilan kafolatlanadi.

Yozning bu sharoitida ba'zi akahon va ukahondalarimiz oqayotgan katta daryo va chuqur havzalarga borib cho'milishadi.Ehtiyot bo'ling, "Kalla tashlab,qayta bosh chiqarmadi" sarlavhasi ostida,Markaziy studiya yo Zamonda siz haqingizda reportaj tayyorlanishiga sababchi bo'lib qolmang!

Ehtiyotkorlik davr talabi,o'zingizni ehtiyot qiling!

#Ogohlik
Sahifamizga obuna bo'ling:
Telegram | Instagram | Facebook Ochish/sharhlash

2022-06-22 06:15:14 Lolaqizg'aldoq

(c) Muhammad Yusuf
(ijro) Ma'rufxo'ja Abdurazzoqov

Sahifamizga obuna bo'ling:
Telegram | Instagram | Facebook Ochish/sharhlash

2022-06-16 12:52:55 Ona,tug'masang bo'larkan meni – ona tomonidan qiynoqqa solingan go'dak nolasi

Ijtimoiy tarmoq foydalanuvchilari o'rtasida katta shov-shuvga aylangan ushbu video meni ham shokka tushirmasdan qo'ymadi. Haqorat qilish joiz bo'lganida,uch nuqtadan so'ng "sennaqa onaning" degan bo'lar edim. Osmondan tushmagandir,laylak tashlab ketmagandir sening bolangku o'sha,vijdonsiz!

Millatning qoloq qatlamidagi insonlari qilgan ishlar oxirgi paytlarda ortib bo'rayabdi. So'ngi marotaba «Tarbiyalanuvchining bog'chada kaltaklangani» videosini ko'rganimda, ba'zi ayollar so'ngi paytda haqiqiy "zoombi"ga aylanib borayotganligiga amin bo'lgan edim. Bu-chi,haqiqiy fojea emasmi?

Kimlardir tirnoqqa zor. Ba'zi kimlardir esa mavzuimizdagidek aksincha.
Eh bola-ya,bola-ya,bola!

Tasvirdagi fuqaro ayol,Samarqand viloyatidan ekanligi aytilmoqda

Sahifamizga obuna bo'ling:
Telegram | Instagram | Facebook Ochish/sharhlash

2022-06-13 00:03:35 "Ko'zingni qis*, og'zingni yum!"

Ikki kun avval 23 yoshgacha bo'lgan futbolchilar o'rtasida O'zbekiston mezbonlik qilayotgan Osiyo chempionati bo'lib o'tibdi. Chempionatni yoritish maqsadida Paxtakor stadioniga borgan "Sevimli" telekanali, "Zamon" informatsion dasturi muxbiri va operatori holatni yoritayotgan bir pallada IIO kelib qarshilik ko'rsatgan. Jurnalistik ruxsatnomani ko'rsatganiga qaramasdan muxbir sha'nini oyoq osti qilgan yashil ishtonlar,jurnalistni haqoratlay ketgan.

Holatga e'tibor bermasdan,jarayonni tasvirga olayotgan operatorni ko'rgan ichki ishlar xodimlaridan biri,tasvirchiga tashlanib,jinoyatchi singari operatorning qo'lini orqaga qilib,mikrafon va kamerasini olib qo'ygan. Jurnalist mikrafon hamda kamerani talab qilgan va javoban 6-7 ta milliy gvardiya xodimlari tomonidan ayovsiz do'pposlangan. Oraliqda ushbu OAV xodimlariga qilingan tahdid uzoq vaqt davom etgan.Tasvirchi yegan dubinkalar-u,tanasiga tekkizilgan eketroshoker va hokazo.Hullas,jurnalist va operator chempionatdan yaxshigina xulosalar bilan qaytgan.

E'tiborimni tortgan joyi: Jurnalist va tasvirchi ketayotganida,IIO xodimi uzr so'rab,gap-so'z qilib yurmasligini ham uqtirib,yaxshilab suvab ham yuborgan.

Hukumat «Jurnalistika - to'rtinchi hokimiyat» deya tinimsiz gapirilayotgan bir pallada, jurnalistga nasiba ulashay deb, IIO vakillari OAV xodimlarining gazini berib yurishi nimasi?

Davlat rahbari tomonidan har bir nuqtada shaffoflik va ochiqlik bo'lishi ta'kidlanayotganida jurnalistga "Ko'zingni qis", "Og'zingni ochma", deb tilini chiqarolmaydigan darajada bu kabi zulm qilinishi o'ta ketgan yovuzlik.
Uyat-e,uyat!

Sahifamizga obuna bo'ling:
Telegram | Instagram | Facebook Ochish/sharhlash

2022-06-10 17:52:27 Pultni qayerga olma "saviyali" seriallar chiqib kelaveradi. O'zbek televideniyesi kino-serial nazoratchilari turkiya bilan uzoq yillik shartnoma tuzganmikin deb o'ylab qolaman ba'zida. "Yirtiq shimli avlod" qayerdan paydo bo'ldi,shu filmlarni ko'rib paydo bo'ldi-da!

"Suyunchi", " Mahallada duv-duv gap", "Chinor ostidagi duel", "Shum bola", "Maftun bo'ldim" singari filmlarni ko'rganda,mazza qilasan kishi.Negaki,bu filmlarda millatning azaliy,ko'p yillik mentaliteti aks etgan. Bizda yana shunaqa filmlar bo'ladimi,bo'lishi mumkinmi,qiyinov!

Bizda "sog'lom saviyali" rejissiorlar kam."Xotin eriga xiyonat qildi" "ikkita xotinli er" dan boshqa mavzu yo'q bizning filmlarda. Nuqul buzg'unchilik,nuqul firibgarlik va talontarojlik sujeti. Shu ketishda bizdan yuz yildan keyingi avlodning milliy kinolari "Xiyonatkor er", "Yengiltak xotin", "O'g'ri", "Mug'ombir qaynona" sujetidagi kinolar bo'lsa kerak!

Avlod ko'rganini,eshitganini qilyabdi.Ko'rayotganlarimiz shu bo'lsa,kelajagimiz aniq)

Telegram | Instagram | Facebook Ochish/sharhlash

2022-06-03 17:12:14 O'zbek so'mining yangi ramzi qabul qilindi

1-Rasm - O'zbekiston so'mining "bugun tasdiqlangan yangi ramz"i

2-rasm - Fransiyaning 1998-yilda tasdiqlangan "In-core" kompaniyasi logotipi

Buni qarangki,bu har ikkala logotip huddi ikki poy "tapichkadek" bir xil. Menimcha ham shunday,ya'nikim bu kabi ishlarda ochiqlik bo'lishi kerak edi.Hususiy bank bo'lganida "biz qarsak chalar edik" ammo bu millat banki.Imi-jimida hal etilib qo'yaqolgan bu logotip men va shu qatorda Xushnudbek.uz telegram kanalida 7.000 dan ziyod haloyiqlarga ma'qul kelmadi bu valyuta ramzlaring,yemabdi!

Biz odam bo'lmaymiz,qani monopoliya,qani ochiqlik?

Subyektivchilarni ham befarq qoldirmabdi bu mavzu - Videoni ko'rish

#valyutaramzidamanokoʻrmadim
Sahifamizga obuna bo'ling:
Telegram | Instagram | Facebook Ochish/sharhlash

2022-05-22 20:21:31 So'ngi qo'ng'iroq kunidagi vals
(Bitiruvchi yigit-qizlarning so'ngi chiqishlariga munosabat)

25-may so'ngi qo'ng'iroq kuni.Maktablarda bir oy oldindan tayyorgarlik ko'riladigan bu kunni kutmagan yigitlar-u qizlar bo'lmasa kerak,ayniqsa bitiruvchilar!

Gapni sahroi kabirdan boshlash niyatim yo'q.So'ngi qo'ng'iroq kuni ustozlar,yosh o'quvchilar,qolaversa ota-onasining oldida "ulg'ayib qolgan" bitiruvchilarning uyalllmasdan (uyonga bir,bu yonga bir) vals tushishini ko'rib uyalasan kishi.1-sinf o'quvchisi falonchiga qarab biz ham bitiruv kunimiz shunaqa valsga tushamiz-a? deya muhokama qilib o'tirishsa,tugadi hammasi degani!

Bitiruvchilar-kuu "so'ngi kun, o'ynab-yayrab qolaylik-e,qarashsa qaroratta" deb davrada handon otib,kula-kula likkilashar,ammo tomoshabin yosh o'quvchilar-chi, uyiga kelib onasiga: "oyi, bugun maktabda katta o'quvchilar quchoqlashib o'ynashdi" deya uyiga axborot olib kelishsa, biz uchun bundan uyatlisi yo'q!

Sahnaviy chiqishlarni nazoratga olish kerak.

Sahifamizga obuna bo'ling:
Telegram | Instagram | Facebook Ochish/sharhlash

2022-05-18 20:39:33 "Remontga 10.000 so'mdan pul olib kellaring"

...deyotganlar ham chiqayabdi mamlakatimizda. Bu yig'imga qonunda taqiq bor ekanligini shu kunga qadar bilmagan ekanman.Boyagina "Renessans tv - Ren news" da bildim.Intervyuda Xalq ta'limi vazirligi boshqarmasi o'rinbosari shunday degan: "Ota-onalardan pul undirish maktab ma'muriyati tomonidan taqiqlangan". Shunday bo'lsada,ayrim erkatoy hududlarda qonunga bepisandlik bilan pul yig'ilayotgan emish.Pul bermagan o'quvchilarni (hatto sinf sardori bo'lsa ham) o'rnidan turg'azib,sharmanda qilayotgan ekan.Shu o'rinda savol(lar) tug'iladi. Maktab ta'miri uchun davlat tomonidan ajratilgan byudjet kammi,ta'mirga yetarli emasmi?

Maktab ma'muriyati (remont uchun) yig'ilgan pullarni qayerga sarflaydi?

Bu (majburiy pul yig'ish) eski tizim, eski O'zbekiston unsuri emasmi?
Yangi O'zbekistonda yashayabmizmi o'zi?

Sahifamizga obuna bo'ling:
Telegram | Instagram | Facebook Ochish/sharhlash