2022-08-28 17:36:40
Бир хил Топшириққа оқсоқ ижро
Касбим юзасидан кўплаб, ҳокимликлар, ҳуқуқ тартибот органлари ходимлари, ҳокимлар, прокурорлар билан учрашишимга тўғри келади.
Баъзида улар билан суҳбатлашар эканман, уларга ачиниб ҳам кетаман.
Анчадан бери шулар ҳақида ёзай дердиму негадир ўзимни тияр эдим.
Куни кеча бир туман ҳокимлигида ишлайдиган мутахассис укамиз билан бўлган суҳбат бугун шу мавзуни очишга мажбур қилди.
Ўзбекистон Республикаси Президенти Ш.М.Мирзиеёвнинг 2019 йил 6-7 май кунлари Фарғона вилоятига ташрифи якунлари бўйича кенгайтирилган тарзда ўтказилган мажлис баёни ( 2019 йил 22 майдаги 11700-хх-сон) 18-бандига мувофиқ, туман ҳокимлиги ходимларига туман маҳаллий бюджетининг даромадлар режасидан орттириб бажарилган қисми ҳисобидан ойлик маошларига 100% устама иш ҳақи миқдорида тўланиши (туман ҳокими ва туман ҳокимининг ўринбосарларидан ташқари) белгилаб берилган эди..
Суҳбат чоғида ундан ойлик маоши ҳақида сўрадим.
Ҳозирда 2 ойдан бери қуруқ ойликни ўзини олаётганлиги 2 млн ойлик на рўзғорга на бир ишга етмаётганлиги юзасидан ўз арзини билдирди.
Айрим туманлар ушбу режани орттириб бажарган бўлсада, негадир устама хақлари тўланмаган экан.
Вилоятда 2 та шахар ҳамда 4 та туманга ушбу устама тўлови тўланмаётганлиги юзасидан маълумот олдим.
Ўзингиз ўйлаб кўринг, бечора ҳокимият ходимлари ( ўринбосарлардан ташқари, чунки ўринбосарлар қўшимча хақ олади) ушбу ойликка кечалари билан ишлайди. Номи улуғ, супраси қуруқ наздида ишлаб келаётган ходимларга шу кунгача бериб келинаётган устама нега ҳозир баъзи туманларга тўланмаяпти экана?!
Эртага у бечоранинг ҳам бошида қора булутлар айланмаслиги учун мен туманларни ва мутахассисни исмини очиқлашни истамадим
Тўғри тушунасизлар деб ўйлайман.
Ойлик маош камлиги сабаб шу ходимлар коррупцияга йўл қўймаслигига кафолат борми?!
Фарғона вилояти ҳокимлиги мутасаддиларидан юқоридагиларни инобатга олишларини сўрайман.
Маъруфа СОЛИЕВА
https://t.me/Marufa_Soliyeva
285 viewsedited 14:36
М
