Davlat Test Markazi

2022-07-08 07:17:11 #Qabul2022 #Kvota #Imtiyoz
Farg‘ona viloyatining So‘x tumani uchun qo‘shimcha qabul ko‘rsatkichlari

Davlat komissiyasining 1-son bayoni bilan 2022-2023-o‘quv yilida Farg‘ona viloyati So‘x tumani uchun bakalavriatning kunduzgi ta’lim shakli bo‘yicha umumiy belgilangan qabul parametrlariga nisbatan qo‘shimcha davlat granti asosidagi qabul ko‘rsatkichlarining oliy ta’lim muassasalari kesimidagi taqsimoti tasdiqlandi. Ochish/sharhlash

2022-07-08 07:16:32 #Qabul2022
10-iyul — chet tilidan kasbiy (ijodiy) imtihon o‘tkaziladigan ta’lim yo‘nalishlariga qabulning so‘nggi kuni

2022-2023-o‘quv yili qabulidan boshlab xorijiy tillar bo‘yicha mutaxassislarni tayyorlashga ixtisoslashgan

O‘zbekiston davlat jahon tillari universiteti;
Samarqand davlat chet tillar instituti;
Toshkent davlat sharqshunoslik universitetining

fanlar majmuasiga chet tili birinchi fan sifatida kiritilgan bakalavriat ta’lim yo‘nalishlariga hamda

Toshkent davlat pedagogika universiteti;
Qo‘qon davlat pedagogika instituti;
Nukus davlat pedagogika institutining

xorijiy tillar bo‘yicha pedagoglarni tayyorlovchi bakalavriat ta’lim yo‘nalishlariga kirishda chet tilidan kasbiy (ijodiy) imtihon o‘tkaziladi.

Bunda mazkur ta’lim yo‘nalishlariga abituriyentlarni onlayn ro‘yxatga olish 10-iyulga qadar (10-iyul kuni ham) amalga oshiriladi.

Shu sababli mazkur ta’lim yo‘nalishlariga o‘qishga kirish istagida bo‘lgan abituriyentlar 10-iyulga qadar onlayn ro‘yxatdan o‘tib, to‘lovni amalga oshirishlari (oldingi yillar bitiruvchilari) lozimligini eslatib o‘tamiz.

Qo‘shimcha ma’lumot: chet tilidan B2 va undan yuqori darajadagi milliy yoki xalqaro sertifikatga ega abituriyentlar chet tilidan kasbiy (ijodiy) imtihon topshirmaydi va ularga chet tili fanidan imtihonlarsiz maksimal ball beriladi. Ochish/sharhlash

2022-07-07 20:00:10 #Qabul2022 #Statistika
2022-2023-o‘quv yili uchun ro‘yxatdan o‘tgan abituriyentlar soni haqida ma’lumot (2022-yil 7-iyul 18:00 holatiga)

my.dtm.uz saytida ro‘yxatdan o‘tgan (telefon raqamini avtorizatsiyadan o‘tkazgan) abituriyentlar soni — 392 913 nafar. Shundan:

Ta’lim yo‘nalishlarini tanlaganlar: 250 377 nafar (64 %);
Taʼlim yo‘nalishlarini tanlamaganlar: 142 536 nafar (36 %).

Tugatgan ta’lim muassasasi ma’lumotlarini kiritganlar — 241 438 nafar. Shundan:

132 057 nafari — joriy yil bitiruvchilari;
109 381 nafari — avvalgi yillar bitiruvchilari.

Ta’lim yo‘nalishlarini tanlagan abituriyentlarning doimiy yashash hududi bo‘yicha taqsimoti:

Samarqand viloyati — 30 340 nafar.
Toshkent viloyati — 29 241 nafar.
Qashqadaryo viloyati — 24 943 nafar.
Farg‘ona viloyati — 24 572 nafar.
Andijon viloyati — 21 498 nafar.
Toshkent shahri — 20 417 nafar.
Surxondaryo viloyati — 19 911 nafar.
Namangan viloyati — 15 880 nafar.
Buxoro viloyati — 13 743 nafar.
Jizzax viloyati — 12 823 nafar.
Xorazm viloyati — 11 913 nafar.
Navoiy viloyati — 10 754 nafar.
Sirdaryo viloyati — 10 152 nafar.
Qoraqalpog‘iston Respublikasi — 4 190 nafar. Ochish/sharhlash

2022-07-07 17:43:57 O'QISHNI KO'CHIRISHDA SUPER KONTRAKT MIQDORI QANCHA

Imtihonlardan yetarli ball ololmay qolgan talabalar o'z xoxishlariga ko'ra, super-kontrakt asosida o'qishlari mumkin. Uning miqdorini quyidagicha hisoblashingiz mumkin.

Agar 0.1 balldan — 1.0 ballgacha yetmasa oddiy kontraktning 1.5 barobarini to'laydi;
Agar 1,1 baldan — 2,0 ballgacha yetmasa oddiy kontraktning 2 barobarini to'laydi;
Agar 2,1 baldan — 3.0 ballgacha yetmasa oddiy kontraktning 2.5 barobarini to'laydi;
Agar 3,1 balldan — 4.0 ballgacha yetmasa oddiy kontraktning 3 barobarini to'laydi;

Agar 4,0 balldan ortiq ball yetmasa va u 56.7 ball ballni to'plagan bo'lsa, tabaqalashtirilgan to'lov-kontraktning minimal miqdorini to'laydi. Bu miqdor yo'nalishlarga qarab 8 barobardan 20 barobargacha tashkil etadi.

Agar talaba 56.6 va undan kam ball to'plaganlar tabaqalashtirilgan to'lov-kontraktining minimal miqdorining 2 barobarini to'laydi. Ya'ni super kontrakt 10 barobar bo'lsa, 56.6dan kam to'plaganlar 20 barobar to'laydi.

IZOH: Yuqoridagi miqdorlar stipendiyasiz bir yillik kontrakt miqdoriga nisbatan hisonlanadi. Masalan 6 mln kontrakt bo'lsa, shuning 1,5 barobari va hokazo tarzida. Super kontrakt asosida o'qishni ko'chirishga rozi bo'lgan talabalar OTM tomonidan imtihondan o'tgan talabalar kelishlari so'ralgan vaqtda ular ham borishlari mumkin. Ochish/sharhlash

2022-07-07 17:08:37 #Qabul2022
Fuqaroligi bo‘lmagan shaxslar OTM qabul komissiyalari tomonidan ro‘yxatdan o‘tkaziladi

Davlat komissiyasining 1-son bayoni bilan fuqaroligi bo‘lmagan shaxslar istalgan oliy ta’lim muassasasida tashkil etilgan qabul komissiyasida ro‘yxatdan o‘tishi belgilandi.

Bunda fuqaroligi bo‘lmagan abituriyentlarning hujjatlari qabul komissiyalari tomonidan sinchiklab o‘rganiladi.

Boshqa toifadagi abituriyentlar esa oliy ta’lim muassasalari qabul komissiyalarida ro‘yxatdan o‘tkazilmaydi. Ular my.dtm.uz va my.gov.uz saytlari orqali onlayn ro‘yxatdan o‘tadilar. Ochish/sharhlash

2022-07-07 08:17:12 #Qabul2022 #Kvota #Imtiyoz
Besh yil ish stajiga ega bo‘lgan xotin-qizlar uchun to‘lov-kontrakt asosidagi qabul parametrlarining OTMlar kesimidagi taqsimoti

Davlat komissiyasining 1-son bayoni bilan kamida besh yil ish stajiga ega bo‘lgan xotin-qizlar uchun ajratilgan to‘lov-kontrakt asosidagi qabul parametrlarining oliy ta’lim muassasalari kesimidagi taqsimoti tasdiqlandi. Ochish/sharhlash

2022-07-07 08:17:04 #Qabul2022 #Kvota #Imtiyoz
Xotin-qizlar uchun qo‘shimcha davlat granti asosidagi qabul ko‘rsatkichlarining hududlar kesimidagi taqsimoti

Davlat komissiyasining 1-son bayoni bilan xotin-qizlar uchun qo‘shimcha davlat granti asosidagi qabul ko‘rsatkichlarining hududlar kesimidagi taqsimoti tasdiqlandi.

Unga ko‘ra, xotin-qizlar uchun davlat granti asosida respublika bo‘yicha jami 2 000 ta kvota ajratildi. Hududlar kesimida:

Qoraqalpog‘iston Respublikasi – 111;
Andijon viloyati – 183;
Buxoro viloyati – 112;
Jizzax viloyati – 81;
Qashqadaryo viloyati – 193;
Navoiy viloyati – 60;
Namangan viloyati – 165;
Samarqand viloyati – 227;
Surxondaryo viloyati – 155;
Sirdaryo viloyati – 50;
Toshkent viloyati – 177;
Farg‘ona viloyati – 221;
Xorazm viloyati – 110;
Toshkent shahri – 155. Ochish/sharhlash

2022-07-06 20:36:23 Hindistondagi hukmdorlar va davlat rahbarlari

Chandragupta - Mil. avv IV asr (Maurya davlati asoschisi)
Ashoka - Mil. avv III asr (Maurya podshosi)
Chandra Gupta - 320-340 (Guptalar imperiyasi)

Dehli sultonligi hukmdorlari
Qutbiddin Oyboq - 1206-1211
Shamsutdin Eltutmish- 1211-1236
Aloviddin Xiljiy
Muhammad Tug’luq- 1325-yilda taxtga keldi
Feruzshoh Tug’luq
Mahmud (1399)

Sayyidlar sulolasi - 1414-1451

Lo’diylar sulolasi - 1451-1526
Bahlul Lo’diy 1451-1489
Ibrohim Lo’diy 1489-1526

Boburiylar sulolasi (1526-1858)
Bobur - 1526-1530
Humoyun - 1530-1555
Sherxon Sur -1540-1555 (Sur sulolasidan)
Akbarshoh - 1556-1605
Jahongirshoh -
Shohjahon -
Avrangzeb Olamgir - 1658-1707
Bahodirshoh II - 1858-yilda taxtdan ketdi


1858-yildan 1947-yilgacha Buyuk Britaniya hukmronlik davri

1947-yil 15-avgustda Hindiston mustaqil davlat sifatida tashkil topdi

Hindiston Bosh vazirlari
Javaharlal Neru
Lal Bahodir Shastri (HMK)
Indira Gandi (HMK);
Rajiv Gandi (HMK)
Narasimxa Rao (HMK);
1998-2004-yillar Atal Bexari Vajpai
2004-2014-yillar Monmoxan Singx
2014-yildan beri Narendra Modi Ochish/sharhlash

2022-07-06 14:13:16 #Qabul_2022_2023

KIRISH TEST SINOVLARI STADION VA XIYOBONLARDA O‘TKAZILADI

Davlat oliy ta’lim muassasalariga o‘qishga qabul qilish jarayonlarini muvofiqlashtirish bo‘yicha davlat komissiyasining 1-son bayoni tasdiqlandi.

Unda 2022-2023-o‘quv yilida oliy ta’lim muassasalarining bakalavriatiga o‘qishga qabul qilish uchun kirish test sinovlari stadion va xiyobonlarda o‘tkazilishi belgilandi. Ochish/sharhlash

2022-07-06 14:12:49 ​​​IMTIHONDAN MUVAFFAQIYATLI O‘TISH SIRLARI(1-QISM)

Aziz abituriyent! Sanoqli kunlardan so‘ng siz orziqib kutgan lahzalar, yillar davomida olgan bilimlaringiz samarasini sarhisob qiluvchi davlat imtihoni boshlanadi. Sir emaski, ko‘pchiligimizning hayotimizdagi eng hayajonli damlardan biri oliy o‘quv yurtiga kirish imtihonlarini topshirishdir. Bugun biz sizlarga ana shu hayajonlarni yengish hamda talabalik sari yetaklovchi muhim tavsiyalarimizni keltirib o‘tamiz:

Imtihondan avval

Imtihonga bir kun qolganda  miriqib dam oling. Barcha kitoblaringizga dam berib o‘zingiz ham hordiq chiqaring. Istiroxat bog‘ida, do‘stlaringiz davrasida kuningizni mazmunli o‘tkazishga harakat qiling.

Barcha nohushliklarni unuting. Xayolingizda o‘rnashib olgan, dilingizga qo‘rquv va hayajon solayotgan “Orzu-maqsadimga erisha olarmikanman?”, “Men bilmagan qiyin savollar tushib qolsa-chi?”, “Imtihondan o‘tolmay qolsam-chi?” kabi salbiy fikrlani chiqarib tashlang. Inson qila olgan ishni inson qiladi. Shuncha abituriyent talaba bo‘lganida nega siz bo‘lolmas ekansiz?!

Kayfiyatni ko‘taring. Barcha qo‘rquv va hayajonlarni unutib, kayfiyatiningizni ko‘tarishga harakat qiling. Do‘stlar bilan hazil-mutoyiba qiling. Kayfiyatni ko‘taruvchi filmlar ko‘ring. O‘zingiz yoqtirgan musiqalarni tinglang. Kayfiyatni ko‘tarishning yana bir oddiy usuli bolajonlar bilan o‘yin o‘ynang. Ishoning, beg‘ubor bolalik o‘yinlari hamma qo‘rquvlarni unutib, kayfiyatingiz ko‘tarilishiga katta yordam beradi.

Ishonch bu - yarim g‘alaba. O‘zingizga ishoning. Albatta  talaba bo‘laman, deya o‘zingizni ishontiring. Hayolingizda yangi o‘quv yili boshlanib, o‘zingiz orzu qilganingizdek talaba bo‘lib yurganingizni tasavvur qiling. Kurs ishlari, topshiriqlar ichida o‘ralashib yurganingizni his qiling.

Taomnomangizga e’tibor qarating. Imtihondan bir kun avval va imtihon kuni taomnomangizga e’tiborliroq bo‘ling. Iloji boricha kofe va shirinliklar iste’mol qilmaganingiz ma’qul. Shuningdek, qovurilgan va yog‘li taomlar tanovul qilish ham tavsiya etilmaydi. Chunki, bu taomlar imtihon kuni sizni lohas qilishi mumkin. Ochish/sharhlash