#Расмий_муносабат
Навоий шаҳар ва Кармана тумани ҳудудларида қаттиқ ва маиший чиқиндиларни тўплаш ва олиб чиқиб кетиш бўйича 2024 - йил 8 - февралда «E-AUKSION» электрон платформасида танлов ўтказиш учун лотлар шакллантирилган бўлиб, жорий йилнинг 8 - апрель куни «E-AUKSION» танловининг ғолиблари эълон қилинган.
Танлов натижасига кўра, Навоий шаҳар ва Кармана тумани учун яратилган 4 та лот бўйича “Tejamkor uy” MCHJ va “Nav-Clean City” MCHJ томонидан 100 баллик натижа қайд қилинган ва танлов ғолиби бўлган.
«E-AUKSION» танлов ҳужжатлари қонунийлиги ўрганилганда “Tejamkor uy” MCHJ va “Nav-Clean City” MCHJ лар томонидан ушбу танловда шаффоф иштирок этилмаганлиги натижасида юқори балл қўлга киритилганлиги ҳамда электрон савдога ушбу жамиятларнинг ҳаққоний қуввати кўрсатилган ҳужжатлар тақдим қилинмаганлиги маълум бўлди.
Ҳозирда мазкур ҳолат юзасидан вилоят прокуратураси томонидан “Tejamkor uy” MCHJ va “Nav-Clean City” MCHJ мансабдор шахсларига нисбатан Ўзбекистон Республикаси жиноят кодексининг тегишли моддаси билан жиноят иши қўзғатилиб, дастлабки тергов ҳаракатлари олиб борилмоқда.
Навоий вилояти Экология бошқармаси матбуот хизмати хабар берди.
Каналга уланинг: http://t.me/markaz24uz
Telegram | Twitter | Instagram | YouTube | Veb-sayt | Tiktok | Facebook | VK
