Менинг Онам Энг Дилбар Аёл Олам узра кезиб пиёда, Дўст топма | Marhabo Karimova sherlari
Менинг Онам Энг Дилбар Аёл
Олам узра кезиб пиёда,
Дўст топмадим ундан зиёда,
Ишонмайсиз бу кенг дунёда,
Менинг онам энг дилбар аёл.
Қошларида қалдирғоч учар,
Бизни дея қор , ёмғир кечар,
Кўкси узра қуёш нур сочар,
Менинг онам , энг дилбар аёл.
Сочларида эрир оқ тола,
Қийналса ҳам қилмайди нола,
Онам борки, мен ҳамон бола,
Менинг онам энг дилбар аёл.
Қисматига кўниб яшаган,
Дардин дилга кўмиб яшаган,
Армонларга чўмиб яшаган,
Менинг онам , энг дилбар аёл.
Бардошига тоғлар бош эккан,
Азобига осмон ёш тўккан,
Чиройига гуллар тиз чўккан,
Менинг онам,энг дилбар аёл.
Яширинча ғамларга ботар,
Ухламасдан тонглари отар,
Юрагимда меҳр уйғотар,
Менинг онам , энг дилбар аёл.
Садоқату , вафода тенгсиз,
Муҳаббати мисоли денггиз,
Сўзларимга кўниб хўп денг , сиз,
Менинг онам , энг дилбар аёл.
Истагим шу , доим чоғ бўлсин,
Кўкси доим баланд ,тоғ бўлсин,
Минг йилда ҳам , жони соғ бўлсин,
Менинг онам энг дилбар аёл.
@Yosh_onalarga_maslahatlar
@Marhabo_Karimova_sherlari
@Ayollar_uchun_retseptlar
@Muslima_ona_kundaligi
@Uddaburon_bekalar
@Foydali_tibbiyot_uz
@Homiladorlik_davri
@Dildagii_Satrlar
@Ogilmi_Qizmi
@metrikafoto
@love_ifor
