ҚАЙНОНАНИНГ 'ОРЗУСИ'. Ўтин чопиб, ёрдирмадим. Хўроз, қўчқор | Marhabo Karimova sherlari
ҚАЙНОНАНИНГ "ОРЗУСИ".
Ўтин чопиб, ёрдирмадим.
Хўроз, қўчқор сўйдирмадим.
Ялинтириб куйдирмадим.
Қизгинамни сизга бердим.
Уй- жойингизни кўрмадим.
Маҳалла кўйдан сўрмадим.
Ҳар хил саволлар бермадим.
Қизгинамни сизга бердим
Мос тушибди юлдузингиз.
Қани куёв! Ўтирингиз!
Шартларимни эшитингиз!
Қизгинамни сизга бердим.
Сўзларимни тингланг куёв!
Энсангиз қотмасин дарров.
Сиз дўстсизку, эмассиз ёв.
Қизгинамни сизга бердим.
Қизим тантиқ, сал эркатой.
Тагига олар қўйса чой.
Лекин ҳусни - нақ тўлин ой.
Қизгинамни сизга бердим.
Супур, сидирни қилмайди.
Овқат қилишни билмайди.
Иш буюрсангиз йиғлайди.
Қизгинамни сизга бердим.
Шўрваси олади қирмоч.
Қолиб кетмай десангиз оч.
Олиб беринг битта оқсоч.
Қизгинамни сизга бердим.
Ҳафтада бир келиб турсин.
Қўғирчоқдек бўлиб юрсин.
Беш, олти йил туғмай турсин.
Қизгинамни сизга бердим.
Фигураси бузилмасин.
Бола фикрин банд қилмасин.
Ўйнаб олсин, вақт кетмасин.
Қизгинамни сизга бердим.
Яшасангиз алоҳида.
Мен бориб турсам гоҳида.
Онангиз келмасин кунда.
Қизгинамни сизга бердим.
Жигарлариз кўп келмасин.
Қизим овора бўлмасин.
Меҳмон келиб уй тўзмасин.
Қизгинамни сизга бердим.
Яхши мебел, гилам қилдим.
Фалон пуллик парда илдим.
Жиянлариз кир қилмасин.
Қизгинамни сизга бердим.
Энди кўрманг футбол, бокс.
Кўп ишланг, кечаю кундуз.
Рўзғорингиз бўлсин тўкис.
Қизгинамни сизга бердим.
Ишдан чиқиб қайтинг уйга.
Камроқ боринг ошга, тўйга.
Чойхона, гап энди уйда.
Қизгинамни сизга бердим.
Байрамларда йўқлаб туринг.
Хайитликлар бериб туринг.
Хизматимда тайёр туринг.
Қизгинамни сизга бердим.
Ойи эмас, ойижон денг.
Тез тез келинг, уйимиз кенг.
Энди сиз ҳам ўғилга тенг.
Қизгинамни сизга бердим.
Ногоҳ тушди бир шапалоқ.
Туш кўрибман алоқ, чалоқ.
Куёв, узр, айтдим чатоқ.
Қизгинамни сизга бердим.
Энди қизим Ҳожасисиз.
Хўжайини, Тўрасисиз.
Султон, Беги, Қиролисиз.
Қизгинамни сизга бердим.
Қўша қаринг, даврон суринг.
Қўша қўша фарзанд кўринг.
Болам билан яйраб юринг.
Қизгинамни сизга бердим.
Мастура ҳожи она
@Yosh_onalarga_maslahatlar
@Marhabo_Karimova_sherlari
@Ayollar_uchun_retseptlar
@Muslima_ona_kundaligi
@Uddaburon_bekalar
@Foydali_tibbiyot_uz
@Homiladorlik_davri
@Dildagii_Satrlar
@Ogilmi_Qizmi
@metrikafoto
@love_ifor
