ТОПОЛМАЙСАН! (Она фарёди) Тополмайсан тупроқ, хоким, Каф | Marhabo Karimova sherlari
ТОПОЛМАЙСАН!
(Она фарёди)
Тополмайсан тупроқ, хоким,
Кафанимни йиртиб чокин,
Хатто қабрим турар сокин,
Дунёлардан ўтар бўлсам.
Ғамлар келса мендан ғолиб,
Худога арз қилсанг нолиб,
Бу дунёдан бошим олиб,
Кетсам мени тополмайсан.
БОЛАМА, БОЛАМ, БОЛАМ,
КЕТСАМ МЕНИ ТОПОЛМАЙСАН.
Дунё кезиб изласанг ҳам,
Бўз тўрғайдек бўзласанг ҳам,
Тупроқ қучиб йиғласанг ҳам,
Болам мени тополмайсан.
Сўзинг ханжар ботиб кетар,
Дийдам тошдек қотиб кетар,
Азоб берма, бўлди етар,
Кетсам мени тополмайсан.
Юзим сўлғин, сочларим оқ,
Хавотирдан, ғамгин нигоҳ,
Жоним болам, кўзимга боқ,
Кетсам мени тополмайсан.
БОЛАМА, БОЛАМ, БОЛАМ,
КЕТСАМ МЕНИ ТОПОЛМАЙСАН.
Қўшиғингда қолар алам,
Юрагингни босади ғам,
Дунёларни изласанг ҳам,
Болам мени тополмайсан.
Тупроқ аро ётса жисмим,
Қурт-қумурсқа ўпса юзим,
Болажоним, қора кўзим,
Ўлсам мени, тополмайсан.
Рўмолимни хидлаб, хидлаб,
Онажон деб, дод-дод йиғлаб,
Минг бир афсус, надоматда,
Қолсанг мени, тополмайсан.
Кирмасимдан тор қабримга,
Болам келгин, кел бағримга,
Тирикликда ет қадримга,
Ўлсам мени тополмайсан.
Худойимдан келса хабар,
Кетсам мени тополмайсан.
-Камронбек Исмоилов.
@Yosh_onalarga_maslahatlar
@Marhabo_Karimova_sherlari
@Ayollar_uchun_retseptlar
@Muslima_ona_kundaligi
@Uddaburon_bekalar
@Foydali_tibbiyot_uz
@Homiladorlik_davri
@Dildagii_Satrlar
@Ogilmi_Qizmi
@love_ifor
