Ота-онанг бўларкан! Барча кезар экан гулгун боғингда, Мақтовлар йўллашиб кўнглинг оларкан Кимгадир суянгинг келган чоғингда Тўғ бўлиб тургани отанг бўларкан! Омадинг борида бахтинг борида Дўсту ёр ҳар куни йўқлаб тураркан Давлатинг йўғида қалбинг зорида Ёнингда қолгани онанг бўларкан! Ҳатто жигарларинг бўлиб еттиёт Еганинг ичганинг миннат қиларкан Йўқчилик изтироб йўлласа ҳаёт Чин ёрдам бергани отанг бўларкан! Қоқилсанг танишлар ташлаб кетарлар Камига ғийбат-ла устдан куларкан Асл юзларини ошкор этарлар Ўзгармай қолгани онанг бўларкан! Дунёга жар солиб севдим деганлар Ҳиёнат қиларкан бағринг тиларкан Ортдан пичоқ урса дўстим деганлар Қалбидан куйгани отанг бўларкан! Йўлингда учраркан минг битта бало Ташвишда соҳталар юзин бураркан Бошингга тушганда турфа муоммо Дуолар қилгани онанг бўларкан. Яхши кўраман деб, пойин қил тавоб Юракдан шодланиб чиндан куларкан Кимнидир севишда бўлгин эҳтиёт Чин севган отангу онанг бўларкан! Мумтозбегим @Marhabo_Karimova_sherlari @Homiladorlik_davri @Ogilmi_qizmi 6.5K views♡, 18:09
