Интеллектуал мулк агентлигига «Ш.М.М» МЧЖ томонидан Севимли телеканалида «Номус кучи» номли бадиий фильмдан муаллифнинг розилигисиз ҳамда тегишли шартнома расмийлаштирилмаган ҳолда фойдаланганлик ҳолати бўйича қонуний чора кўриш тўғрисидаги мурожаати келиб тушди. Ушбу мурожаат Агентлик томонидан ўрганиб чиқилиб, аниқланган ҳуқуқбузарлик ҳолати бўйича Жиноят судига баённома киритилди.
Натижада Севимли телеканалининг масъул раҳбари маъмурий жавобгарликка тортилди. Эндиликда суд тегишли тартибда муаллифга етказилган моддий зарарни ундириш бўйича чоралар кўрмоқда.
