2022-06-09 21:06:16
JANNATGA QAYTARING BIZNI, AYOLLAR!
Yurak qiynalmoqda, bermoqda nido,
Qayda qoldi hayo, o’zbekcha ibo?
Ibtido bor yerda bordr intiho,
Jannatga qaytarin bizni, ayollar.
Ba’zida kozibsiz, ba’zan hiylakor,
Tanasini sotgan arzon savdogar.
Bu qanday ko’rgulik, yo Parvardigor!
Jannatga qaytaring bizni, ayollar.
Yurishsa ko’chada ahvoli abgor,
Bo’lmoqda ming-minglab ko’zlar gunohkor.
So’rashsa javob bir- zamon aybdor,
Jannatga qaytaring bizni, ayollar.
Chindan zamonmikin chinakam gumroh?
Shukur ong bergan-ku yaratgan Alloh.
Do’zax olovidan bo’lib siz panoh,
Jannatga qaytaring bizni, ayollar.
Mayli, kim taqvodor kimdir riyokor,
Lek hech kim o’limni etolmas inkor.
Er ahli bordirkim, sizdan umidvor,
Jannatga qaytaring bizni, ayollar.
Mangu o’zda qolmas insonning joni,
Oxiratni esalang, eslang samoni.
Xatosin tuzatib Momo Havvoni,
Jannatga qaytaring bizni, ayollar.
Aslida uch kundir bu qisqa umr,
Bunda bor sinoat, bunda bordir sir .
Tuproqqa qaytgaymiz barchamiz oxir,
Jannatga qaytaring bizni, ayollar.
Siz o’sha onasiz yashnatgan ko’ngil,
Biringiz opasiz, biringiz singil.
Taskin topsin biroz sizlar sabab dil,
Jannatga qaytaring bizni, ayollar.
Maqsad Obidjon 2016
1.3K views18:06
M
