2021-01-23 05:38:45
Nega kanal faoliyati bir muncha vaqt to‘xtab qoldi?So‘ngi paytda mendan eng ko‘p so‘ralayotgan savollardan. Javobini bilish uchun 5 daqiqa vaqtingizni ayamaysizlar endi.Shu yilning 10-dekabr kuni «Akademnashr» nashriyoti tomonidan o‘tkazilayotgan «Yil taqrizi» tanlovi haqida o‘qib qoldim. Bu tanlovga qiziqib qoldim va qatnashmoqchi bo‘ldim. Shartlarga ko‘ra: «Akademnashr» tomonidan chop etilgan kitoblarni xarid qilasiz va uni o‘qib chiqib, taqriz yozasiz, eng yaxshi taqrizlar esa mukofotlanadi. Lekin, menda ular taklif qilgan kitoblar yo‘qligi uchun "Bizning internet do‘konimizdan xarid qilishingiz mumkin. O‘zbekiston bo‘ylab 10 ish kunida yetkazib beramiz." degan taklifi manzur keldi. Darhol sotib olmoqchi bo‘ldim, lekin, shatlarda "taqrizlar
20-dekabrgacha qabul qilinadi" deb yozilgan edi. "O‘zi 10 kun qoldi, 10 kunda yetib kelsa qachon o‘qib chiqaman-u, qachon taqriz yozaman" deb o‘ylab qoldim. Va bu tanlovdan umidimni uzdim. (Viloyatda yashashim pand berdi deb o‘yladim, Toshkentga 3 kunda yetkazib berisharkan).
Hayriyat-ki, men kabilarni o‘ylaydiganlar bor ekan. 18-dekabrda "Ko‘pchilikda biz taklif qilgan kitoblar yo‘q bo‘lgani va vaqt kam qolgani uchun taqrizlar qabuli
20-Yanvargacha uzaytirildi" degan xabarni o‘qib qoldim va darxol sarlavhalar ichidan o‘zimga yoqqan kitobni sotib oldim. (Kitob narxidan tashqari yetkazib berish ham pulli ekan,
davlat pochtasi orqali). Endi 10 kun ichida kelishi kerak. Ammo... Yangi yil keldi. 10-yanvarda ham kitobdan darak yo‘q edi. Va nihoyat, deyarli 1 oy deganda 27 kun ichida 14-Yanvar kuni kitobni qo‘limga oldim. 20-Yanvarga 6 kun qoldi. Bu vaqt ichida butun boshli kitobni o‘qib, xulosamni Word fayl ko‘rinishida taqdim qilishim kerak edi. Aynan shuning uchun bor e'tiborimni kitib o‘qishga qaratib, kanalga vaqt topolmay qoldim. Va kitobni o‘qib tugatib, tanlov ishtirokchisiga aylandim ham. Mana, men yozgan taqriz. Qiziqsang o‘qib ko‘rishing mumkin. Ayniqsa, o‘g‘il bola bo‘lsang. Mobodo, ko‘nglinga manzur kelsa kanalga o‘tib, bitta " " ni bosib qo‘y. (Sendan nima ketdi).
Nega gapni uzoqdan olib keldim?Tanlov haqida ancha oldin eshitgan bo‘lsam ham, vaqtim tig‘iz ahvolga tushib qolishiga pochtadagilar ayibdor. Nahotki, davlat pochtasi o‘z vazifasini vaqtida bajarmasa, tag‘in pulini oldindan olsa-ya.
YASHASIN YANGI O‘ZBEKISTON!P/s.O‘zi kanalga bunday stildagi postlar hech joylanmas edi. Sarlavhadagi savolni juda ko‘p yozishgani uchun bu post joylandi. Hudo hohlasa, endi, kanalga doimiy ravishda, har kunni qiziqarli savollar joylab borishga harakat qilaman.
Qolaversa, "savolni aniq bir vaqtda joylang, men o‘tkazib yuboryapman" deydiganlar uchun. Har kuni
20:00 da joylashga harakat qilaman. Lekin, har doim aniq 20:00 deb va'da berolmayman. (Kun tartibim tez-tez o‘zgarib turadi, afsuski).
Perman Nurniyazov
@Mantiqiy_Savoln1
15.4K views02:38
M
