Dardim aytib yig'layman soyga, Sig'mayman, keng,ko'rkam saroyg | MANOLI SOZLAR | STATUSLAR
Dardim aytib yig'layman soyga,
Sig'mayman, keng,ko'rkam saroyga.
Termulaman, xo'rsinib oyga,
She'r yozolmay qolgan kunlarim.
Asablarim qaqshaydi yomon,
Bo'g'zimda zor qotgan unlarim.
Yuragimni ezadi gumon,
She'r yozolmay qolgan kunlarim.
Uxlolmayman, cho'chib turaman,
Kaltaklaydi, bedor tunlarim.
Daydi itdek izg'ib yuraman,
She'r yozolmay qolgan kunlarim.
Qidiraman, zargar konchiday,
Topsam yetar, misqol, tomchiday.
Yozolmasam, oh qandoq chiday?
She'r yozolmay qolgan kunlarim.
Qo'lda qog'oz, izlayman najot,
Ijod ekan,hayot ham mamot.
To'xtamasam deyman umrbod,
She'r yozolmay qolgan kunlarim.
Qalamimni sindirgim kelar,
Jahl otiga mindirgim kelar.
Jonni o'tda yondirgim kelar,
She'r yozolmay qolgan kunlarim.
Qiynar meni javobsiz savol,
Yozolmasam, keladi malol.
Umidimni qilaman uvol,
She'r yozolmay qolgan kunlarim.
Menga chandon kerak muhabbat,
Tangrim, - o'zing quvvat ber, faqat.
Ilhom bergin, aylagil shafqat,
She'r yozolmay qolgan kunlarim.
Sherzod Komil
Ижодидан...
Кanalga Obuna bo'ling
➥ @Ma'noli_So'zlar
