Аҳли ирфонлардан бири бир кишидан "Қандайсиз?" дея сўради. Хитоб қилинган киши:
— Йигирма дирҳам қарзим бор, -деди бош эгиб.
Сўровчи лом-мим демади. Уйига борди, нимаси бор, нимаси йўқ, барини йиғди - тўплади, сотди, унинг қарзини тўлади.
"Бундан кейин бировдан "Қандайсиз?!" дея сўрашдан олдин яхшилаб ўйлайман", деди аҳли ирфон.
Имоми Ғаззолий ҳазратлари шундай дейдилар:
"Холига қайғурмасдан, шунчаки "Қандайсан?" дея сўраш МУНОФИҚликдир.
