Манфаатли Илмлар

2023-03-17 17:41:15 #Зикр

Абу Ҳурайра розияллоҳу анҳудан ривоят қилинади:
«Расулуллоҳ соллаллоҳу алайҳи васаллам: «Икки калима борки, улар тилга енгил, тарозида оғир ва Раҳмонга маҳбубдир. Улар:
سُبْحَانَ اللهِ وَبِحَمْدِهِ سُبْحَانَ اللهِ الْعَظِيمِ
«Субҳаналлоҳи ва биҳамдиҳи, субҳаналлоҳил ъазийм», деб айтдилар».

(Маъноси: Аллоҳни ҳамд айтиш ва улуғлаш билан поклайман.)

Имом Бухорий ва Муслим ривоятлари

Имом Нававийнинг “Ал-Азкор” китобидан 

Манба: https://islom.uz/maqola/9208

Буни яқинларингиз билан бўлишинг, зеро Расулуллоҳ соллаллоҳу алайҳи васаллам айтганларки: «Яхшиликка далолат қилувчи худди уни қилувчи кабидир.»

@ManfaatliIlmlar канали Ochish/sharhlash

2022-02-19 17:00:01 #Биласизми

Улул Азм Пайғамбарларни биласизми!?

Улул азм (азму матонатли) Пайғамбарлар бештадир:
Нуҳ алайҳиссалом;
Иброҳим алайҳиссалом;
Мусо алайҳиссалом;
Ийсо алайҳиссалом;
Муҳаммад соллаллоҳу алайҳи васаллам.

Бу буюк пайғамбарлар ўзларининг Аллоҳ буюрган ҳукмларини инсонларга етказиш йўлида жуда кўп қийинчилик, кулфатларга ушрашган.Аммо балоларга сабр, матонатли бўлишда барчага ўрнак бўлганлар.
Аллоҳ таоло улар ҳақида Қуръони Каримнинг Аҳқоф сурасида шундай марҳамат қилади: "Бас, азиймат соҳиби бўлган Расуллар сабр қилгандек сабр қил" (35-оят).Аллоҳ таоло бизларни шу зотлардан ўрнак оладиган бандаларидан қилсин.Омин!

"Ҳадис ва Ҳаёт" китоби 19-жузидан Ochish/sharhlash

2022-02-16 13:10:14 #Биласизми

Аллоҳ таоло Ўзи исм берган пайғамбарни биласизми!?

Аллоҳ таоло Қуръони Каримнинг Марям сурасида шундай марҳамат қилади: "Эй Закариё! Албатта, Биз сенга исми Яҳё бўлган бир ўғилнинг хушхабарини берамиз.Бундан олдин унга отдош қилган эмасмиз" (7-оят).Улуғ пайғамбарлардан Закариё алайҳиссаломнинг ўғиллар бўлмиш Яҳё алайҳиссаломга Аллоҳ таолонинг Ўзи шундай исм бергани ва бундан олдин ҳеч ким бундай исмланмаганини айтмоқда.Закариё алайҳиссалом ва Ийсо алайҳиссаломлар холавачча бўлганлар; Яҳё алайҳиссаломнинг оналари Ишаъ бинти Имрон Марям онамизнинг опалари бўлган.

"Ҳадис ва Ҳаёт" 19-жузидан Ochish/sharhlash

2022-02-13 12:35:15 #Биласизми

Фузул шартномаси ҳақида эшитганмисиз?

Бу воқеа ҳижратдан 34 йил аввал(милодий 590 йил), зулқаъда ойида содир бўлади.Зубайд қабиласидан бўлган бир кишидан Қурайш катталаридан Ос ибн Воил Саҳмий мол сотиб олади-ю, лекин унга ҳаққини бермайди.Қурайш бошлиқларига қанча арз қилишига қарамасдан, улар Ос ибн Воилдан ҳайиқиб унга ёрдам беришмайди.

Шунда зубайдлик киши бутун шаҳарга арз-дод солади.

Маккадаги бир гуруҳ кишилар Абдуллоҳ ибн Жудъоннинг уйига йиғилишиб, ўша мазлумга ёрдам беришга аҳдлашишади.Бу иш фазилатли ҳисоблангани учун уни қурайшликлар фузул шартномаси деб аташади.Шундан сўнг бу кишилар Ос ибн Воилнинг олдига бориб, мазлумнинг ҳаққини олиб беришади.

Кейинчалик ҳам Пайғамбар соллаллоҳу алайҳи васаллам бу шартномада иштирок этганликларидан қувониб юрган эканлар.

"Оламларга раҳмат Пайғамбар" китобидан Ochish/sharhlash

2022-02-13 06:40:07 #Биласизми

Милодий 711 йилда Ториқ ибн Зиёд бошчилигидаги мусулмон фотиҳлар Шимолий Африкани Европадан ажратиб турувчи бўғозни кечиб ўтиб, ҳозирги Испаниянинг жанубига келиб тушади.Тез орада бу ерда Ўрта аср илм-фан, маданиятга улкан ҳисса қўшган, буюк ислом давлати -- Андалусияга асос солинади.Улар кечиб ўтган бўғоз эса афсонавий амир исми билан ҳозирда Гибралтар ("Жабали Ториқ" -- "Ториқ тоғи") деб аталиб келинади.

"Олам ва Одам
Дин ва Илм" китобидан Ochish/sharhlash

2022-02-12 19:09:26 #Биласизми

Пайғамбаримиз соллаллоҳу алайҳи васалламнинг набираларини биласизми?!

Пайғамбаримиз соллаллоҳу алайҳи васалламнинг 8 нафар набиралари бўлган.Уларнинг барчалари қизларининг фарзандлари бўлиб, у зотнинг ўғиллари балоғатга етмасдан вафот этишган.

1.Али.
Зайнаб билан Абул Ос ибн Рабийънинг ўғли.
2.Амома.
Зайнаб билан Абул Ос ибн Рабийънинг қизи.
3.Абдуллоҳ.
Руқаййа билан Усмон ибн Аффон розияллоҳу анҳунинг ўғли.
4.Ҳасан.
Фотима розияллоҳу анҳо билан Али розияллоҳу анҳунинг ўғли.
5.Ҳусайн.
Фотима розияллоҳу анҳо билан Али розияллоҳу анҳунинг ўғли.
6.Умму Кулсум.
Фотима розияллоҳу анҳо билан Али розияллоҳу анҳунинг қизи.
7.Муҳассин
Фотима розияллоҳу анҳо билан Али розияллоҳу анҳунинг ўғли.
8.Зайнаб.
Фотима розияллоҳу анҳо билан Али розияллоҳу анҳунинг қизи.

"Ҳадис ва Ҳаёт" 19 жузидан Ochish/sharhlash

2022-02-12 13:10:10 #Биласизми

Балоғатга етган эркаклардан биринчи бўлиб Пайғамбар соллаллоҳу алайҳи васалламга иймон келтирган зот Абу Бакр Сиддиқ розияллоҳу анҳу бўладилар.Абу Бакр у зотнинг кунялари, Сиддиқ эса машҳур лақабларидандир.Ўзларининг исмлари Абдуллоҳ, оталарининг исмлари Усмон бўлган.

"Ҳадис ва Ҳаёт" 21 жузидан Ochish/sharhlash

2022-02-12 08:00:15 #Биласизми

Аллоҳ таоло Ўз бандалари ичидан бир юз йигирма тўрт минг нафарига Ўзининг хабар(ҳукм)ларини юборган*.
Улардан уч юз ўн учтасига эса ўзларига юборилган хабар(ҳукм)ларни бошқаларга ҳам етказиш амр қилинган**.Пайғамбаримиз алайҳиссалом расулларнинг охиргиси бўлдилар ва шу билан Аллоҳнинг шариати ҳам мукаммал бўлди.

* Улар набийлар(алайҳиссаломлар)дир
** Улар расуллар(алайҳиссаломлар)дир

"Ҳадис ва Ҳаёт" китобидан Ochish/sharhlash

2022-02-11 10:09:06 #Биласизми

Пайғамбаримиз Муҳаммад Мустафо соллаллоҳу алайҳи васаллам фил йилида, рабиъул аввал ойининг ўн иккинчисида таваллуд топганлар.Бу милодий 571 йилнинг апрел ойига тўғри келади.

"Ҳадис ва Ҳаёт" китобидан Ochish/sharhlash

2022-02-11 07:00:43 #Биласизми

Пайғамбаримиз соллаллоҳу алайҳи васаллам биринчи жума намозини Мадинадан унча узоқ бўлмаган Қубо қишлоғидаги Солим ибн Авф маҳалласида адо этганлар ва биринчи жума хутбасини ўқиганлар.Бу воқеа Мадинага ҳижрат пайтида рабиъул аввал ойида содир бўлган.

"Тарихи Муҳаммадий" китобидан

Жума айёмингиз муборак бўлсин! Ochish/sharhlash