#Nızamshılıqtaǵı_jańalıqlar “Ózbekstan Respublikası Jasla | МАМАН АДВОКАТ

#Nızamshılıqtaǵı_jańalıqlar

“Ózbekstan Respublikası Jaslar siyasatı hám sport ministrliginiń stipendiyası” engiziledi

“Hákimshilik reformalar sheńberinde jaslar siyasatı hám sport salasında mámleketlik basqarıwdı nátiyjeli shólkemlestiriw ilajları haqqında”ǵı Prezident qararı (PQ-114-san, 07.04.2023-j.) qabıl etildi

Qarar menen Jaslar siyasatı hám sport ministrligi iskerliginiń baslı baǵdarları hámde shólkemlestiriw strukturası tastıyıqlandı.

Qararǵa kóre:

2023-2024-jıllarda “Jaslar dápteri” sisteması arqalı jaslarǵa kórsetiletuǵın sociallıq-ekonomikalıq xızmet túrleri 1,5 esege shekem asırıladı;
jaslarǵa sociallıq-ekonomikalıq xızmetlerdi kórsetiwde olardıń talantınan ónimli paydalanıwǵa qaratılǵan sociallıq shártnamalar ámeliyatı engiziledi;
mámleketlik uyımları hám shólkemleriniń jaslardı qollap-quwatlaw sisteması “Jaslar balansi” tiykarında jaslardıń sociallıq jaǵdayı, qızıǵıwshılıǵı hám mashqalalardıń ózgesheliginen kelip shıǵıp jolǵa qóyıladı.

2024-jıl 1-yanvarǵa shekem sport salasın sanlastırıw boyınsha 24 baǵdardaǵı málimleme sistemaların óz ishine alǵan “ERP Sport” birden-bir elektron basqarıw sisteması iske túsiriledi. Bunda:

sport salasındaǵı qárejetler sistemada ashıq sáwlelendiriledi;
orınlarda qurılatuǵın tiyisli sport obektleri hám soorujenieleriniń keminde 30 procenti usı elektron sistema arqalı usı aymaqta jasawshı xalıq tárepinen dawıs beriw jolı menen anıqlanadı.

2023-jıl 1-iyuldan:

sportshı identifikaciya kartaları ushın tólemler muǵdarı úsh esege kemeytirilip, olardan paydalanıw múddeti 5 jıl etip belgilenedi;
“Ózbekstan Respublikası Jaslar siyasatı hám sport ministrliginiń stipendiyasi” engiziledi. Bunda:

stipendiya muǵdarı miynetke haqı tólewdiń eń kem muǵdarınıń 3 esesi etip belgilenedi;
usı stipendiya tayınlanǵan sportshılarǵa Prezidenttiń tiyisli qararında belgilengen tártipte ózin-ózi bánt etiw huqıqı beriledi.

2024-jıl 1-marttan sport túrleri boyınsha ótkeriletuǵın rásmiy jarıslar, Ózbekstan chempionatı hám kubogında qatnasıwı ushın sportshılardıń tiyisliligi hám olardıń mamanlıǵın identifikaciya kartaları (ID-karta) arqalı anıqlaw tártibi engiziledi.

Qararǵa kóre, Olimpiada hám Paralimpiya, Aziya hám Paraaziya oyınları, olimpiada hám paralimpiya sport túrleri (jas taypaları) boyınsha jáhán chempionatlarında jeńimpaz bolǵan sportshılar, sonday-aq, olardı tayarlaǵan trenerlardı Mámleketlik byudjeti qarjıları esabınan xoshametlew muǵdarları tastıyıqlandi (tómende keltirilgen).
(https://telegra.ph/%D2%92olib-va-sovrindor-sportchilarni-ra%D2%93batlantirish-mi%D2%9Bdorlari-04-08)

Olimpiada hám Paralimpiya oyınlarında jeńimpaz bolǵan sportshılarǵa Prezident Admınıstratsiyası janındaǵı Medicina bas basqarmasına keńselik tiyisli bolǵan medicinalıq mákemelerinde ómirlik biypul medicinalıq xızmetten paydalanıw huqıqı beriledi.

https://t.me/maman_advokat