16- maktab 9-"E" sinf(Guliston shahar)

2022-05-29 18:52:03 Абу Райҳон Беруний

Абу Райҳон ал Беруний 1017 йил ҳозирги Покистоннинг қадимда Нандана деб аталувчи тоғ массивида (Исломободдан тахминан 40 км. Узоқликда) Астролябия (юнон тилидан. Астро –юлдуз, лабон –олувчи) деб аталувчи геометрик бурчак ўлчовчи асбоб билан, тригонометрия ва арфметикада кашфиёт қилиб, дунёда биринчи бўлиб Курраи заминимизнинг узунлигини, ҳозирги замонавий зондлар билан ўлчанган кўрсаткичдан 1% бўлмаган фарқ билан ва ернинг аниқ радиусини ўлчаб берган. Ернинг сатҳини ва радиусига аниқлик киритиб, айни пайтда Ернинг айлана шаклида эканлигинини илмий асослаб берган. Маълумот учунғ Галилео ва Жордано Бруно 16 асрда яшаган. Ochish/sharhlash

2022-05-23 18:47:35 Ochish/sharhlash

2022-05-23 18:47:16 Салом хамма кундаликни тугатсин фоизга та"сири бор Ochish/sharhlash

2022-05-07 08:21:02 8 класс. Песня "На далёкой Амазонке" (Видео) Ochish/sharhlash

2022-05-06 05:28:35 Miyangiz so'nib qolmasligi uchun uni har kuni mana shunday (bilim) bilan oziqlantirib turing.

@Jamshid_Maxammadovich

@biologygrand Ochish/sharhlash

2022-05-05 09:00:10 @maktabda_biologiyajurnali Ochish/sharhlash

2022-05-05 09:00:05 Navoiy viloyati Nurota tumani 5-umumta'lim maktabi biologiya fani o'qituvchisi Tolibova Gavharning 8-sinflar uchun 1 soatlik video darsi
Mavzu:Eshitish organi (Eshitish analizatori)

@maktabda_biologiyajurnali Ochish/sharhlash

2022-04-28 10:38:31 8E sinf o'quvchilarining algebradan uy ishlarining bahosi Ochish/sharhlash

2022-04-26 08:24:39 ЛОЛАҚИЗҒАЛДОҚ

Шавкат Раҳмон хотирасига

Мендан нима қолар:
Икки мисра шеър,
Икки сандиқ китоб,
Бир уюм тупроқ.
Одамлар ортимдан
Нима деса дер,
Мен сени ўйлайман
Ўзимдан кўпроқ –
Лола, лолажоним,
Лолақизғалдоқ!

Мен кетсам, ёмондан
Йироқ бўл, оҳу,
Чунки сен чиройли,
Кўркли бир жувон.
Ёмон кунлар бир кун
Яхши бўлар-у,
Ёмон одам яхши
Бўлмас ҳеч қачон…
Яша чегарада
Тургандек огоҳ,
Лола, лолажоним,
Лолақизғалдоқ!

Уйда ётибман-у,
Сезиб турибман,
Кўкда кетаётир
Қушлар қайтишиб.
Хайрлар ёғдириб
Қанотларидан,
Хаста шоирига
Видо айтишиб.
Бор, менинг учун ҳам
Уларга қўл қоқ,
Лола, лолажоним,
Лолақизғалдоқ!

Уларни мен яна
Кўрарманми-а,
Айвондан одамдек
Кузатолмадим.
Куз. Тўйлар бошланди.
Юрагим пора –
Битта қизимни ҳам
Узатолмадим…
Демак, тақдир экан
Тўй кўрмай ўлмоқ,
Лола, лолажоним,
Лолақизғалдоқ!

Бироқ, кўнглим сезар,
Мендан кейин ҳам,
Бир кун бу ҳовлига
Одам тўлади.
Ҳали тўйлар қилиб
Чарчайсан, эркам,
Менинг қизларим энг
Бахтли бўлади!
Келинлар кўйлаги
Руҳимдай оппоқ,
Лола, лолажоним,
Лолақизғалдоқ!

Гулим, яқинроқ кел,
Қара, не савдо,
Бу ажиб ишларни
Дил лавҳига ёз:
Кимга қаср етмас,
Кимга мол-дунё,
Менга эса ҳаво
Етмайди, холос.
Тириклар мудроқда,
Ўликлар уйғоқ,
Лола, лолажоним,
Лолақизғалдоқ!

Кўксим куйиб борар,
Кўкрак ёнмоқда,
Айтинг дўхтирларга,
Ёришса ёрсин!
Жисм ўз улфати –
Жондан тонмоқда.
Бечора жон энди
Қаерга борсин.
Энди осмон йироқ,
Энди ер юмшоқ,
Лола, лолажоним,
Лолақизғалдоқ!

Буни ҳаёт дерлар,
Унутма асло,
Бир кун очиласан,
Бир кун сўласан.
Қалбимда-ку, фақат
Сен эдинг танҳо,
Қабрим устида ҳам
Ўзинг бўласан.
Сен бизнинг севгидан
Хотира – байроқ,
Лола, лолажоним,
Лолақизғалдоқ!

Аёл қалбинг билан
Сув кеч, олов кеч,
Ғам келса бошингдан
Ҳушинг учмасин.
Худодан сўрадим:
Мендан кейин ҳеч
Номард кимсаларга
Ишинг тушмасин.
Уларнинг қўлида
Ҳамиша тузоқ,
Лола, лолажоним,
Лолақизғалдоқ!

Ишинг тушса, иним
Муҳаммадга бор,
Шоирлар ичида
Ишонганим шу.
Бироз ичишини
Айтмаса агар,
Кўкси тиниқ бола,
Ҳалол бола у.
Фақат сал соддароқ,
Фақат сал ёшроқ,
Лола, лолажоним,
Лолақизғалдоқ!

Жон сўнгги бошпана
Топаркан онгда,
У юрак остида
Дердим мен бўлсам.
Ажабланма агар
Эртага тонгда
Сени ўпиб, Ўшни
Қучоқлаб ўлсам!..
Ўтинчим – тепамда,
Йиғлама узоқ,
Лола, лолажоним,
Лолақизғалдоқ!

Муҳаммад Юсуф

26 APREL — O’ZBEKISTON XALQ SHOIRI MUHAMMAD YUSUF TAVALLUD TOPGAN KUN!

Kanalga obuna bo'lish:
@Ona_tilim_millat_ruhi Ochish/sharhlash

2022-04-26 08:24:39 ОНАЖОН...

Топмоқ – йўқотмоқдир,
Йўқотмоқ – топмоқ,
Сен сўлиб, мен яшаб, тўлишимга боқ.
Сенсиз топганимдан кўпроқ йўқотдим –
Сен мени юпатдинг, сени йиғлатдим,
Сен мени яратдинг, сени тугатдим.
Уялмай она деб, келишимга боқ!..

Соғинч ҳақда шеърлар ёздим ўзимча,
Мендан пешонангда доғлар тизимча.
Ўғил бўлмай ўлай, аттанг, минг аттанг.
Қиз туғсанг нетарди, кўпроқ қиз туғсанг!..
Тиргак бўлолмадим битта қизингча,
Уялмай шоирман дейишимга боқ.

Жонингдан айланай, тургил, жонажон,
Йўл қараб бўлдими жигаргинанг қон?
Боқма кўзларимга бемажол, хаста,
Менинг топганларим гулми бир даста,
Йўқотганим сенми энди, Онажон?..
Ўз этимни ўзим ейишимга боқ.

Билсанг юрагимни бир алам элар.
Буюрсанг қўлимдан келмайди нелар,
Айт, пичан йиғайми,ўтин ёрайми,
Ерни ҳайдайинми, кўк ағдарайми?..
Итдек оёғингга суйкалгим келар –
Учиб-учиб, мана қўнишимга боқ.

Ҳеч нарса керакмас, болам, ҳеч, дейсан.
Энди кеч, дейсан-да, энди кеч, дейсан.
Юзимни босаман муздай юзингга,
Онажон, зор қилиб кетма изингга!
Ўлим олдида ҳам ғамимни ейсан,
Мен-чи, жим, тақдирга кўнишимга боқ.

Шеърим битди, хайр, дўстлар, хуш қолинг.
Бедил яшамакка ўрганманг мендай.
Боринг, волидангиз кўнглини олинг,
Эртага кеч қолиб ўртанманг мендай.

Муҳаммад Юсуф

26 APREL — O’ZBEKISTON XALQ SHOIRI MUHAMMAD YUSUF TAVALLUD TOPGAN KUN!

Kanalga obuna bo'lish:
@ONA_TILIM_MILLAT_RUHI Ochish/sharhlash