Апелляция бу нима ва қандай тартибда ўтказилади? 27 август ку | MAKSIMUM (SHERZOD RAXMAN)

Апелляция бу нима ва қандай тартибда ўтказилади?

27 август куни тест синовлари бўйича танлов натижалари (мандат) эълон қилинди.
Танлов натижаларидан норози бўлган абитуриентлар 10 кун муддатда ўз шахсий кабинети орқали апелляция шикоятини беришлари мумкин.

У қандай тартибда бўлиб ўтади?

Сиз ўз кабинетингиз орқали ариза берасиз ва Сизга қайси вақтда ДТМга (Тошкентга) етиб келишингиз кўрсатилади.

Апелляция бергандан сўнг қайта тест синовлари ўтказиладими?

Йўқ! Апелляцияда Сизга ўзингиз ечган тест топшириқлари китоби, жавоблар варақаси берилади. Агарда саволга ёки бўлмаса мен тўғри белгилаган эдим, лекин менга балл қўшилмаган деб ҳисобласангиз, шу фан эксперти олдига ўтирасиз ҳамда ўзингизни эътирозингизни кўрсатиб ўтасиз.

Агарда, эътирозингиз ҳақиқатда ўринли бўлса Сизга шу савол учун балл қўшилади. Эксперт эса ўз ўрнида Сизнинг ушбу савол бўйича эътирозингизга тўлиқ жавоб беради.

Яна бир маротаба қайтариб ўтаман, апелляция қайта тест синовларини топширади дегани эмас.