'''''''''' ШУКУР ''''''''' Яшарман юракка ҳеч гумон солмай, Я | ОҒАБЕК ОРОЛОВ |поемс
"""""""""" ШУКУР """""""""
Яшарман юракка ҳеч гумон солмай,
Яшарман Ҳақ ила ҳеч ёлғиз қолмай,
Тилим кеча-кундуз ҳамдлардан толмай,
Роббим, юрак сен деб урмоқда шукур !
Бир куним йиғлатса бири кулдирган,
Қалбимда иймоним, ғамим ўлдирган,
Соғликда ўзингга зикр айттирган,
Роббим, ҳар нафас-у онимга шукур !
Яшадим яшайман ёмонлик билмай,
Яшайман ғамгиннинг қалбини тилмай,
Ҳар қачон ҳеч нарса учун зор қилмай,
Роббим, берган ризқ-у рўзингга шукур !
Дўппини ўзинг бер омон қилиб бош,
Синовларда Эгам ўзинг бер бардош,
Қалбида кири ёъқ, ҳар дамда ёндош,
Роббим, яхшиларим борига шукур !
Чумчуқдек қорнимиз, озга тўйгувчи,
Шукур бор бизни ҳам пинҳон суйгувчи,
Қийналсам синовдан бошим қўйгувчи,
Роббим, жойнамоз-у сажданг бор шукур !!!
16.08.2022 Оғабек Оролов
@Orolov_Ogabek