Бугунги кунда синов, калибрлаш ва қиёслаш лабораторияларининг | Mahmud.uz
Бугунги кунда синов, калибрлаш ва қиёслаш лабораторияларининг олдида турган асосий вазифалардан бири бу шубҳасиз асбоб-ускуналарнинг калибрлаш/қиёслаш интервалини аниқлаш бўлиб турибди. Чунки 2020-йилдан бошлаб олинган калибрлаш сертификатларида ISO/IEC 17025:2017 халқаро стандартининг 7.8.4.3-банди талабидан келиб чиқиб калибрлашнинг кейинги муддати кўрсатилмаган.
Бу борада бутун дунёда Лабораторияларни аккредитация қилиш бўйича халқаро ташкилот ILAC нинг ILAC G24:2007 ҳужжатига асосан иш тутилмоқда. Унинг рус тилидаги матнининг Қирғизистон аккредитация маркази (KCA) томонидан таржима қилинган версияси мана бу ерда танишинг. Шунингдек ушбу ташкилот томонидан қабул қилинган ва ILAC G24:2007 ни амалда қўллашни осонлаштиришга қаратилган KCA-PA20 ҳужжати билан ҳам танишиш фойдали.
Ушбу ҳужжатни реализация қилиш бўйича Ўзбекистон аккредитация маркази томонидан ўтказилган вебинарда қисман тушунтиришга ҳаракат қилганмиз. Вебинар ва унинг материаллари билан Марказнинг телеграм каналидаги ҳавола орқали танишинг.
Мавзунинг долзарблиги сабабли яқин кунлар ичида шу мавзуда очиқ вебинар қилишни режалаштирдик. Вебинарнинг аниқ вақти ҳақида хабардор қиламиз.
