80 ёшингиз муборак бўлсин! Куни кеча Ўзбекистон фахрийларини | Mahalla va oila yangiliklari 🇺🇿
80 ёшингиз муборак бўлсин!
Куни кеча Ўзбекистон фахрийларининг ижтимоий фаолиятини қўллаб-қувватлаш «Нуроний» жамғармаси бошқаруви раисининг биринчи ўринбосари, атоқли журналист ва публицист Шароф Убайдуллаев таваллудининг 80 йиллигига бағишланган тадбир бўлиб ўтди.
Тадбир аввалида журналист Шароф Убайдуллаев ҳаёти, ижодий фаолияти ҳақида ҳикоя қилувчи видеолавҳа намойиш этилди. Ўзбекистон Республикаси Президентининг маслаҳатчиси Турсунхон Худойбергенов, Ўзбекистон касаба уюшмалари Федерацияси Кенгаши раиси Қудратилла Рафиқов, Камбағалликни қисқартириш ва бандлик вазири Беҳзод Мусаев ва бошқалар бугунги янгиланиш жараёнларида турли соҳалар равнақига ҳисса қўшган ҳамюртларимизни эъзозлаш, уларнинг заҳматли меҳнатини қадрлашга устувор эътибор қаратилаётганини таъкидлади.
