Каланов Рустам Абдуҳакимович — 1950 йил 2 сентябрда Тошкент шаҳрида таваллуд топган. Тошкент давлат политехника институти, сўнгра Тошкент давлат университетини тамомлаган Рустам Каланов қатор йиллар мобайнида давлат бошқарувининг турли юқори лавозимларида фидойилик билан фаолият юритиб келган. Бугун табаррук 72 ёшни қарши олгани муносабати билан Маҳалла ва нуронийларни қўллаб-қувватлаш вазири Турсинхан Худайбергенов вазирлик жамоаси номидан Рустам Абуҳакимовични самимий қутлаб, унга узоқ умр, мустаҳкам саломатлик, оилавий бахт ва касбий фаолиятида улкан муваффақиятлар тилади.
