2022-07-07 19:19:37
Bugun sizlar bilan uzoq kutilgan shohona tort retsepti bilan bo'lishaman Tayyorlanishi juda oson, kamharj lekin shohona ko'rinishda
Tayyorlanishi:
3 ta tuxumga bir stakan shakarni oz-ozdan solib, yaxshilab ko'pirtirib olamiz. Keyin esa, bir stakan sut, yarim stakan o'simlik yog'i solib yana yaxshilab aralashtiramiz. 3 osh qoshiq kakao, bir qadoq razrixlitel, bir qadoq vanilin va bir stakan un solib aralashtiramiz. Keyinchalik yana kerak bo'ladigan bo'lsa bir yoki yarim stakan un qo'shsa bo'ladi.
Forma olib tagiga pergament qog'oz qo'yib hamirni solib olamiz. 180 darajada 30-35 daqiqa pishirib olamiz va cho'p tiqib tekshirib ko'ramiz, cho'p quruq chiqishi kerak.
Hamirni chiqarib sovutib olamiz va keyin yana formaga solamiz. 250 ml sut quyib 10 daqiqa singishi uchun qo'yamiz. Biskvit singib olgunicha krem tayyorlaymiz.
2 qadoq "Shanti" kremiga 400 ml muzdek sut qo'shib krem tayyorlaymiz. Kremdan alohida 2 osh qoshiq olib qo'yamiz. Qolgan kremga 2 osh qoshiq kokos qirindisidan qo'shib yaxshilab aralashtiramiz. Alohida olib qo'yilgan kremga yana kokos qirindisidan qo'shib, dumaloq shaklga keltirib rafaellolar yasab chiqamiz va muzxonada muzlatib olamiz. Keyin esa, biskvitni ustiga krem shantini yaxshilab surib sovutgichga qo'yib turamiz. Sovib turguncha, glazur tayyorlaymiz. 200 ml qaymoqqa 2 qadoq sutli yoki qora shokolad solib yaxshilab eritamiz va sovutamiz. Glazur tayyor faqat xona haroratida sovishi kerak.
Sovigan tortimizni ustiga sovigan glazurimizni quyamiz va yana sovutgicha olib qo'yamiz. Yaxshilab qotib olganidan keyin didimizdan kelib chiqqan holda bezatamiz.
Men bezak uchun handon pistani maydalab, malina va boya yasab olgan rafaellolardan foydalandim
Mana azizlar, hammaga birdek yoqadigan, yumshoqqina, mazali, shohona tortimiz tayyor bo'ldi Tayyorlanishi juda ham oson, kamharj va eng asosiysi hammaga birdek yoqadi. Istasangiz oilangiz uchun, istasangiz buyurtma asosida tayyorlab qo'shimcha daromad olishingiz mumkin bo'ladi.
Bayram dasturxonini bezab turuvchi ajoyib tortni barcha ko’rishi uchun bosib do’stlaringiz bilan bo’lishishni unutmang
957 views16:19