Янги тўгараклар ташкил қилинди Сафаримиз давомида бизга хушха | Madaniyat.uz I Rasmiy kanal
Янги тўгараклар ташкил қилинди Сафаримиз давомида бизга хушхабарлар ҳамроҳлик қилмоқда. Ўзбекистон ёшлар ишлари агентлиги директори Алишер Саъдуллаев Агентликнинг вилоят ҳудудий бошқармаси қошида мақом ва вокал йўналишида янги тўгараклар ташкил қилинганини ва бугун уларнинг очилиш маросими бўлиб ўтишини хабар берди.
Мусиқа мактаблари фаолиятини ўрганиб бўлганимиздан сўнг маросимга йўл олдик. Ёшлар ишлари агентлиги томонидан бугунги кунда салмоқли ишлар амалга оширилмоқда. Айниқса уюшмаган ёшлар билан ишлашда анча самарали фаолият йўлга қўйилган.
Ташкил этилган тўгараклар ҳам айнан ёшларимиз учун ижод майдони бўлиб хизмат қилади. Тўгаракларнинг очилиш маросимида ёшларимизга санъат ва маданият соҳаси ривожида ҳисса қўшишларига умид билдирдик. Уларга самимий тилакларимизни йўлладик.
