ЗАКОТ БЕРМАЙДИГАНЛАРНИНГ ГУНОҲИ Абу Ҳурайра розияллоҳу анҳуда | Mabrur.uz
ЗАКОТ БЕРМАЙДИГАНЛАРНИНГ ГУНОҲИ
Абу Ҳурайра розияллоҳу анҳудан ривоят қилинади: «Расулуллоҳ соллаллоҳу алайҳи васаллам: «Кимга Аллоҳ молу дунё берса-ю, унинг закотини адо этмаса, у қиёмат куни унга яйдоқбош илон бўлиб гавдалантирилади. Унинг икки қора нуқтаси бор. У қиёмат куни (эгасининг) бўйнига ўралиб олади. Кейин икки жағ суягидан – яъни оғзининг икки четидан – тишлаб туриб: «Мен сенинг мол-дунёингман! Мен сенинг хазинангман!» дейди», дедилар. Сўнгра: «Аллоҳ Ўз фазлидан берган нарсага бахиллик қиладиганлар буни ўзларига яхшилик деб ҳисобламасинлар» оятини тиловат қилдилар». (Оли Имрон сураси, 180-оят). Имом Бухорий ривояти.
Изоҳ: «Икки қора нуқта»дан нима назарда тутилгани ҳақида асосан икки хил фикр бор: 1. Илоннинг икки кўзи тепасида бўладиган майиздек қора доғ. Илонларнинг бу тури ғоятда хунук ва қўрқинчли бўлади. 2. Илоннинг заҳри тўлиб-тошганда оғзининг икки четидан қора майиздек бўлиб чиқиб туради. Ҳар икки маъно ҳам вазиятнинг қанчалар даҳшатли эканини тасвирлайди.
Каналга аъзо бўлиш учун ушбу линкни босинг! https://t.me/joinchat/AAAAAFBsDkt79gLMZp8pvQ