M1racle books📚

2022-08-29 21:46:41 Сизни чарчатади телефонлар ҳам,
Ойнаи жаҳон-у компютер ичи.
Дардингизга улар бўлолмас малҳам,
Бунга темирларни етмайди кучи...

Хайрулла Ҳамидов Ochish/sharhlash

2022-08-28 10:17:05 Xayrli kun barchaga!

Siz hozir qaysi kitobni o’qiyapsiz? Va keyin o’qishga qaysi kitoblarni rejalashtirdingiz? Biroz gaplashamiz

@m1racle_books Ochish/sharhlash

2022-08-27 15:54:31 https://t.me/mybook_store/428

Bookstore’da kitoblarni aksiya narxlarida harid qiling Ochish/sharhlash

2022-08-26 11:51:43 ​​#tavsiya

“Boshqalar va ularning qilmishlariga kelsak, Robbisi oldida hisob berishadi. Siz hech kimni yaratmagan, unga rizq bermagansiz. Shuning uchun biror kishi borasida javobgar bo’lmaysiz, birortasining gunohi sababli jazolanmaysiz…
…O’zingiz bilan ovvora bo’ling”.

Asardan

KITOB: “Nihoyat saodatni topdim” Doktor Oiz Qarniy

Kitob qo’limga tushishi va hayotimga kirib kelishi ayni kerakli vaqtda sodir bo’ldi. O’z ruhiyati va muammolari bilan o’ralashib qolganlar ko’proq tushunishadi meni hozir. Doktor Oiz Qarniy yozish uslubi bu kitobdan ham ufurib turadi. O’sha sakiynat, o’sha donolik va muammolarga nigoh. Umuman muallif ko’plab ruhiyatingiz, hayotingiz, atrofdagilar va ichki muammolaringizni o’zida jamlagan maslahatlardan iborat bir kitob yaratgan. Har bir mavzu ostida minglab hikmat yashiringan.

“Nihoyat saodatni topdim” sizga saodatga erishishning ko’plab yo’llarini, o’zingizga ishonishning va ruhiyatingiz yetuk bo’lishining ko’plab yechimlarini keltiradi. Bularning bari axloq, silayi rahm, keksalar va kichiklar munosabatlari, o’zingizni isloh qilish avvalo ildizi sifatida Islom va undagi go’zal amallar ko’rsatib beriladi. Bu kitobda me’yor topilgandek bo’ldi menga. Ba’zi o’rinlarda dunyo tan olgan psixologlar gaplari, Qur’oni Karimdan oyatlar keltirilganki, har biri ortiqcha ham, keraksiz ham emas.

Xatto ayta olamanki, kitobda keltirilganlarning bir qismi bugun hayotimizda ko’pchiligimiz duch kelishimiz mumkin bo’lgan, kichik ammo mazmunan katta xatoga aylangan ibratlar. Kitobni o’qish davomida o’zingiz bunga guvoh bo’lishingiz mumkin bo’ladi.

Diniy adabiyotlarni yoqtiradiganlar, Oiz Qarniy ijodini sevadiganlar va hozir o’zida ishonchsizlik, qo’rquv, muammolarni ko’rayotganlar va keng kitobxon ommasi uchun ayni kerakli kitob. Ilmiy yoki og’ir adabiyotlardan dam olmoqchi bo’lganlarga esa ajoyib “Disert” Xullas O’qing! Eng yaxshi xulosa bu-o’zingiz chiqargan xulosadir!

@m1racle_books Ochish/sharhlash

2022-08-24 17:14:24 HAR DOIM UNITMANG!

Hayotingizda hamma narsaga erisha olasiz. O'zingizni boshqalar bilan solishtirishni to'xtating. O’z hikoyangizni yozing. O'zingizni qobiqqa o’ramang. Ruhiy salomatligingizni birinchi o'ringa qo'ying. Sizga negativ berayotgan barchadan qutiling. O'zingizga g'amxo'rlik qiling. Sport bilan shug’illaning,eng muhimi, o'zingizni tinglang. Maqsadlaringizga e'tibor qarating, o'rganishni va o'z ustingizda ishlashni to'xtatmang va siz bilan hammasi yaxshi bo'ladi


@m1racle_books Ochish/sharhlash

2022-08-24 16:51:54 Gumoningizni to’g’ri qiling) Ochish/sharhlash

2022-08-21 22:20:54 #iqtibos

O’ylaymizki, yaxshi bo’lganimiz uchun bizni yaxshi ko’rishadi. Yo’q, aslida yaxshi bo’lganlari uchun bizni yaxshi ko’radilar…)

Lev Tolstoy

@m1racle_books Ochish/sharhlash

2022-08-17 16:35:44 ​​Haqiqat bo’lolmaydigan qadar haqiqatlarimiz bor…

Tan olaman internet hayotimizni misli ko’rilmagan qadar yengillashtirdi. Ammo insonlarning insoniylik tuyg’usini olib qo’ydi. Bugun 6 soat telefonimdagi hamma ilovalarni o’chirib, tashqarini kezdim. Ichida o’sha ilovalar bo’lmagan telefoning oxirgi model bo’lsa ham, qizig’i qolmas ekan.

Bugun shunday insonlarni ko’rdim, yuzi to’la ajin, ammo yuzingizga kulib boqadi. Sevimli kafeyimda o’tirib, o’zim sevgan sho’rvani ichyapman va ortimdan qiqirlayotgan bolajonning kulgusiga to’ymayapman. Oldin hech bularni sezarmidim..?

Insonlikning internet bilan nima aloqasi bor dersiz? Bugun kezganim yerdagi insonlarning hech biridan yomon gap eshitmadim. Insonlarga kulib boqaman va ulardan kelayotgan o’sha energiyani his qilaman. Avtobusga chiqaman… Uch yil oldingi men kabi, insonlarning qo’llariga boqaman. O’sha qadrdon, mehnatdan qoraygan, zahmatkash qo’llar… Yana o’sha menga aylanaman. Bu qo’llarni bir paytlar sevib kuzatadigan menga. Telefonimga esa umuman xabar kelmaydi… Unga qarash esimdan ham chiqib ketadi. Kitob do’konlarini aylanaman…

O’sha uch yil oldin ololmagan kitoblariga mahliyo bo’lgan bir qizchani ko’raman. Yonimda kitoblarni o’qib turgan o’sha qizni. Bilmadim u paytda insonlar ham mehribonroq bo’lgandek tuyiladi. Yoki borgan sari hayot beshavqatlashdimikin.

Avtobus orqa oynasiga boshini qo’yib, bugungi kunlarini orzu qilgan bir qizning o’rnida o’tiraman… O’sha qiz va o’sha joy… Orzular almashgan xolos. O’sha paytda ham u qattiq og’riyapti deb o’ylagan, hozir kulib, chimchilash bo’lgan ekan deyapti. Balki bundan bir necha yillardan keyin ham bu og’riqlar yo’qolar, u aslida bularning bari uni kuchli qilayotganini tushunar…

Kuchli bo’lishni xohlamay qaysarlik qilayotgan va lekin hayot uning qarorlari bilan hisoblashmayotgan bir qizaloq… Aslida bizda bir shunday bolakay bor… Ichimizda yashaydigan, qayerimizgadir bekitib qo’ygan. Bekitib qo’yishimizga majbur qilishgan bir bolakay…

Yer va makon o’sha-o’sha, o’zgarayotgan va xotiralari ko’payib borayotgan bizmiz xolos)

Ichingizdagi o’sha bolakayni asrang Baxtlarim

17.08.2022

@m1racle_books Ochish/sharhlash