Руҳи пок, қалби пок Фотимам @sattorova_fotima ҳақида бугун ёзм | Lola Zunnunova

Руҳи пок, қалби пок Фотимам @sattorova_fotima ҳақида бугун ёзмоқчиман..
Бу қиз Аллоҳимнинг менга мукофоти..
Январ ойида илк курсимга СТАРТ берганимда, инстаграм орқали танишганмиз.
Ва "Нотиқлик маҳорати" курсимда катта қизиқиш билан ўқидилар.
Қарангки, Фотимам 30 йил давомида асосан уйда бўлиб, кўчага чиқишга уялганлар.
Ҳаттоки, инсонлар кўзига қарашга ҳам истиҳола қилиб, бошини эгиб юрганлар. Ўзларининг имкониятини чекланган деб билиб, оддий инсонлар қаторида ўзларини тасаввур ҳам эта олмаганлар.
Ўқиш давомида Фотимамнинг қанчалик руҳи тоза, юраги орзуларга тўла, шижоати баланд, масъулиятли, ширинсўз қизлигини кўриб, муҳаббатим ортди.
Уларнинг РУҲИ қанчалик СОҒЛОМлигини тасаввур ҳам қилолмайсиз..
Тақдирни қарангки...
Ёрдамчи қидираётган кунларимнинг бирида, Фотимамдан смс хабар келди:
"Устозим, майлими сизга ёрдамчи бўлсам? "
Бу сўзлар шунчалик ҳижолатлик ва шу билан бирга катта умид билан ёзилганди...
"Жоним билан Фотимажон.."
Мана шу сўз унинг ҳаётида
ЯНГИ САҲИФАНИ
бошлади.
Ва мен мамнуят билан Фотимамни ишга олдим..
Оҳ... ўша куни мен ҳам, Фотимам ҳам ухламадик қувончдан.
Илк иш куни мен Янги Фотимани кўрдим. Кўзлари бахтдан, қувончдан порлаб турган Фотима..
Кечагина кўчага чиқишга ҳам уялган Жиззахлик қиз, бугун ўз фаолиятини Пойтахти азимда бошлади.
Билсангиз,
Илк ойлик олган куни Фотимамнинг сўзлари мени қалбимни ларзага солди...
"Устозим, ман 30 ёшга кириб, илк бора пешона теримга ойлик олдим.
Бу мен учун катта ДОВОН бўлди..Бахтлиман..
Ва бу пулимни онамга бераман, улар мени катта қилгунча не азоблар кўрдилар", дедилар..
Фотимам, онасининг орзусини амалга ошириб, уларнинг туғилган кунларига ТУРКИЯ сафарини тақдим этдилар, десам ишонасизми?
Ҳа, бу қиз шундай мўъжиза қиз...
Айтингчи, бу қизни бундан кейин ҳам ногирон дея оласизми?
Мен-ку, Фотимамни илк кўрган кунимдаёқ соғлом инсон қатори кўрганман, чунки руҳи соғломлиги ва поклигининг чегараси йўқ.
Бугун мен Фотимамдан чексиз миннатдорман.
ТАНА ЭМАС, ҚАЛБ НОГИРОН бўлмасин..
Алҳамдулиллаҳ...
Руҳимизни Роббим соғлом ва Муҳаббатдан яратганига ортиқча исботнинг ҳам кераги йўқ..
Сиз ҳам Фотимамни яхши кўрдингизми, Ҳабибиларим?
#alhamdulillah #mashaallah #2022
@lola_zunnunova_kursi