Logoped Máslahati

2022-06-14 20:24:18 Magistrliq dissertatsiya temamizg'a Ma'mleketlik Atestatsiya Komissiyasi ag'zalarinan 100 balliq sistemadan 98 ball aldim. Usinin' menen magestraturani da juwmaqlap aldiq. Endigi rejeler onnanda u'lken. Niyet etkenlerdin' ha'mmesine nesib etsin! Ochish/sharhlash

2022-06-14 16:30:54 "Muzli shin'di bag'indirg'an,
Jas alfinist sa'lem sag'an,
Sendey bilim shin'larina,
Mende shig'ip baratirman."
I. Yusupov
Bu'gingi magistrliq dissertatsiya temamizdi qorg'aw procesinen ko'rinis. Neshe ball aldi dep oylaysizlar? pikirin'izdi qaldirin' Ochish/sharhlash

2022-06-14 08:54:21 Bu'gin saat 14:00 de bolatug'in Magistrliq dissertatsiya zashitamdi Ma'mleketlik Atestatsiya Komissiyasi ag'zalari ruqsat berse instagramda fryamoy efirde ko'rsetemen. usi Instagram ma'nzilim arqali kirip ko're alasiz. Ochish/sharhlash

2022-06-13 20:53:06 Quda qalese erten' 14.06.2022 saat 14:00de magistrliq dissertatsiya temamizdi qorg'aymiz. Sol menen ko'pten ku'tken magistrliq da'rejesin alamiz. Ochish/sharhlash

2022-06-08 13:37:15 Búgin Jızzax qalasi JDPI sirtqı bóliminiń májlisler zalında defektolog-logopedler ushın Dizartriya diagnozına arnalǵan seminarımız bolıp ótti. Eki bólimnen ibarat bolıp birinshi bólimde dizartriya diagnozina teoriyalıq tárepten maǵlıwmatlar berildi ekinshi bólimde dizartriyada korreksion (dúzetiw) jumıstı qalay alıp barıw boyınsha maǵlıwmatlar beriwge háreket qıldıq. Ochish/sharhlash

2022-05-07 18:58:28 ​​Sóylew kemshilikleriniń klassifikaciyası haqqında ustazımız Mukarram Ayupovanıń pikiri: “Bul klassifikaciyalar sóylew kemshiliklerin toparlarǵa bólip bir qıylı sóylew kemshiliklerin túrli kóz qarastan úyrenedi. Olar bir birine qarsılıq qılıwdan góre kóbrek bir birin tolıqtıradı. Sebebi olar logopedik tásir etiwdiń hár tárepleme túrli wazıypaların unamlı sheshiwge qaratılǵan”. Ochish/sharhlash

2022-05-07 18:28:33 ​​Sóylew kemshilikleriniń pedagogikalıq klassifikaciyası.

1) Fonetik-fonematik buzılıslar – bul tiykarınan seslerdi aytıwdaǵı kemshilikler funkcional hám mexanik dislaliya, rinolaliya, dizartriyanıń jeńil kórinisleri kiredi.
2) Sóylewdiń tolıq rawajlanbaǵanlıǵı ( нутқнинг тўлиқ ривожланмаганлиги НТР, общее недоразвитие речи ОНР)
Bunda tiykarınan sóylewde leksik-grammatik kemshilikler tiykarǵı orındı iyeleydi. buǵan tiykarınan dizartriyanıń, alaliyanıń, disleksiya, aleksiya, disgrafiya agrafiyanıń awır kórinisleri kiredi.
3) Sóylewdiń temp-ritm tárepten buzılısları – bularǵa Tutlıǵıw taxilaliya bradilaliya kemshilikleri kiredi. https://t.me/logoped_maslahatleri Ochish/sharhlash

2022-05-07 08:50:53 ​​Sóylew kemshilikleriniń klinik (medicinalıq) klassifikaciyası.
Sóylew kemshilikleri oraylıq hám periferik xarakterdegi sóylew kemshiliklerine bólinedi.
1. periferik xarakterdegi sóylew kemshilikleri.
Dislaliya – sóylew innervaciyasi saqlanǵan halda sóylewdiń seslerdi tuwrı aytıw tárepten buzılısları. Mexanik dislaliya-artekulyacion organlardıń organik buzılısı nátiyjesinde seslerdi aytıwdaǵı kemshilikler.
Funkcional dislaliya-artekulyacion organlarda organik buzılıslar bolmaǵan jaǵdaylarda seslerdi aytıwdaǵı kemshilikler.
Rinolaliya – sóylew organlarınıń anatomik hám fiziologik kemshilikleri sebepli dawıs tembri hám seslerdi tuwrı aytıwdaǵı kemshilikler. Bul qattı hám jumsaq tańlay erinlerdegi jaqrıqlar aqıbetinde sóylewdiń buzılıwı.
Sóylew waqtında hawa aǵımınıń tańlay jarıqlıqlar sebepli murınǵa ótiwi yáki murın jolınıń ósimteler alviolalar sebepli jawılǵanı ushın hawa aǵımınıń tek awızǵa baǵdarlanıwı.
Rinofoniya – artekulyacion organlar normal bolǵanda dawıs tembriniń buzılıwı. Hawa aǵımınıń awızǵa yáki murınǵa baǵdarlanıwındaǵı kemshilikler.
Disfoniya – dawıs apparatındaǵı buzılıs. Dawıstıń joqlıǵı (afoniya) yáki dawıstıń kúshi joqlıǵı (disfoniya) dawıs tembiriniń buzılısları.

2) oraylıq xarakterdegi sóylew kemshilikleri:
Dizartriya – oraylıq nerv sistemasınıń organik jaraqatlanıwı nátiyjesinde sóylewdiń seslerdi durıs aytıw tárepten buzılısı.
Dizartriya kóbinese seslerdi aytıwdaǵı kemshilikler menen shegaralanbaydı dawıs buzılısları ózgeler sóylemin túsiniwdıń buzılıwı sóylewdiń leksik-grammatik tárepten buzılıwı sıyaqlı kemshilikler gúzetiledi.
Alaliya – bala rawajlanıwınıń ana qarnında yáki dáslepki rawajlanıw dáwirinde bas miydegi sóylew oraylarınıń organik jaraqatlanıwı nátiyjesinde sóylewdiń rawajlanbay qalıwı.
Motorlı alaliyada – sóylew organlarınıń tuwrı háreketleniwinde kemshilikler boladı.
Sensor alaliyada – átiraptaǵılar sóylemin tuwrı qabıl etiwdegi kemshilikler gúzetiledi.
Afaziya – bas miy sóylew oraylarınıń organik jaraqatlanıwı nátiyjesinde aldın bar bolǵan sóylemniń joǵalıwı. Bas miydegi ósimteler sóylew oraylarına qan quyılıwı yáki hár qiylı jaraqatlar nátiyjesinde kelip shıǵadı.
Disgrafiya – jazıwdaǵı kemshilikler. Jazba bayanlawdaǵı buzılıslar. Agrafiya jazıwdıń ulıwma bolawı.
Disleksiya – oqıwdaǵı kemshilikler. Aleksiya oqıwdıń ulıwma bolmawı.
https://t.me/logoped_maslahatleri Ochish/sharhlash

2022-05-06 19:50:00 Logopedlerdiń tiykarǵı is quralı zondlar bolıp esaplanadı. Sebebi zondtan tuwrı paydalanıp biliw jumısıńızdı ónimli qılıp nátiyjege tez hám anıq shıǵıw imkanın beredi. alıwdı qálewshiler 5 dana komflekt zond qaldı. Ochish/sharhlash

2022-05-06 19:13:51 ​​Sóylew kemshiliklerin klassifikaciyalaw boyınsha túrli alımlar tárepinen hár qıylı pikir hám usınıslar berilgen.
R.E.Levinanıń klassifikaciyalawı boyınsha logopediyada sóylew kemshilikleriniń eki túrdegi klassifikaciyası orın alǵan:
Birinshisi – medecinalıq
Ekinshisi – psixologiyalıq-pedagogikalıq (pedagogik).
Házirde logopediyada sóylew kemshilikleri R.E.Levinanıń klassifikaciyası boyınsha túrlerge bólinedi.
https://t.me/logoped_maslahatleri Ochish/sharhlash