Учта кўр инсонга филни ушлаб таъриф беришни илтимос қилишган | Лобар Ҳайдарова🤔
Учта кўр инсонга филни ушлаб таъриф беришни илтимос қилишган экан. Бир кўр инсон филнинг қулоқларини ушлаган, иккинчиси хартумини, учинчиси эса оёқларини ушлаган. Ва учаласи шундай хулоса қилган. Биринчиси "фил жуда катта капалакка ўхшаган нарса экан" деса, иккинчиси айтган экан, "фил бу катта илонга ўхшаган нарса", учинчиси эса "фил бу катта устумларга ўхшаган нарса" деган экан. Улар хақми? Йўқ. Нохақми? Йўқ. Нохақ ҳам эмас. Уларни хақ ҳам деб бўлмайди, нохақ ҳам деб бўлмайди. Агар филни бир дунё деб оладиган бўлсак. Улар дунёнинг ўша қисмини ҳақиқат деб ўйлайди Бу тўғри ҳам эмас, лекин нотўғри ҳам эмас. Инсоннинг онги шундайки, бутун бир воқеликнинг бир қисмини олиб, ана шуни ҳақиқат деб ўйлашида. Жараёнларда тортишувга сабаб бўладиган ҳолат эса бошқаларни ҳам ўз фикрига қўшилишга, ишонтиришга ҳаракат қилишидадир. Гуёки фил бу капалак. Агар сизнинг вазиятингизда кимдир нимадир деган бўлса, у албатта ҳақ. Шунинг учун ҳам ҳар бир инсоннинг ўз ҳақиқати бор дейишади. Лекин юз фоиз хақ ҳам деб бўлмайди. Лекин биз тўғри, нотўғри деган тушунчаларнинг ичига уралашиб кетсак, бу ҳар доим уруш-жанжал, муаммоларга сабаб бўлади. Дунёдаги кичикми, каттами ҳар қандай низоларга сабаб бўладиган нарса ҳам аслида мана шу. Дунёни тўлақонли қабул қилсаккина тарафкашга айланмаймиз.
Л.Ҳайдарова
Каналга қўшилинг
@lobarxaydarova
