Lirika.Uz

2023-04-01 07:59:59 Сендан нолимайман, юрагим,
Аввал бу дунёга бош келди...

Шуҳрат ОРИФ

@LirikaUz Ochish/sharhlash

2023-03-29 05:09:49

UCHSHODA

Mendan yana olisladi baxt,
Kiprigimda ingraydi jolam.
Ishq ezilar ko'tarolmay qad,
Samo uzra yetmayin nolam.

Xijron yana to'ladi kuchga,
Birlashmoqqa axd qilgan alam.
Diydor oni qolmoqda kechga,
Sog'inching- la dil bo'lar mashg'ul.

Ishq surati qalbingga ko'chgan,
G'arib dilning iddaosi shul.
Sensiz olib qolmog'im mushkul,
Yuragimda darz ketmoqda axd!

Dilorom Mo'minova

@LirikaUz Ochish/sharhlash

2022-09-03 12:22:24 ҚЎРҚАМАН

Мен йўлбарсдан қўрмайман,
Чумолидан қўрқаман.
– Айбим не, эздинг? – деган
Саволидан қўрқаман.

Мен қиличдан қўрқмайман,
Тил тиғидан қўрқаман.
Дилга солган доғининг
Оғриғидан қўрқаман.

Мискинликдан қўрқмайман,
Бойиб кетсам қўрқаман.
Тор кўприкда юк босиб,
Тойиб кетсам қўрқаман.

Мен оз билсам, қўрқмайман,
Кўпроқ билсам, қўрқаман.
Нафс раъйи деб илмни
Увол қилсам, қўрқаман.

Итлар ҳурар, қўрқмайман,
Карвон тўхтар, қўрқаман.
Берк йўлларни ким очар?
Сарбон ухлар, қўрқаман!

Телбаликдан қўрқмайман,
Ақлимдан, воҳ, қўрқаман.
Ҳаддидан четга чиқса,
Олдимда чоҳ, қўрқаман.

Мурдадан ҳеч қўрқмайман,
Мудроқлардан қўрқаман.
Марддан чиқмас ёмонлик,
Қўрқоқлардан қўрқаман.

Ғофил: “Қўрқма!” деса ҳам,
Дам-сасидан қўрқаман.
Ҳақни ёд этмай олган
Нафасидан қўрқаман.

Девдан қўрқмайман, дерман,
Лекин зимдан қўрқаман.
Чунки дев ўз ичимда,
Мен ўзимдан қўрқаман.

Одамидан қўрқмайман,
Нокасликдан қўрқаман.
Қўрқит мени, Худойим,
Қўрқмасликдан қўрқаман!

Фозил Зоҳид (Аллоҳ раҳмат қилсин)
2004 йил

@LirikaUz Ochish/sharhlash

2022-08-29 06:18:18 АВГУСТНИНГ СЎНГГИ КУНЛАРИ

Сусаймоқда Қуёшнинг тафти,
Ястанади чўлга саратон.
Ишқаб оппоқ, совқотган кафтин,
Хув олисдан боқар қаҳратон.

Барглар ҳазин - яшашдан толиб,
Илинж ила мўлтиллаб турар,
Хазонликни бўйнига олиб,
Тўшалишга тараддуд кўрар.

Само кўз ёш тўкишга тайёр -
Йўқотгандек саломатлигин,
Ва ниҳоят ҳис қилар илк бор
Табиат ҳам омонатлигин...

Xayrulla Xamidov

@LirikaUz Ochish/sharhlash

2022-08-22 20:11:38 Нега тушинмайсиз мени одамлар,
Нега юзларимга боқасиз ҳайрон?
Айбим шу, кўнглимнинг кўйлакларини,
Бирозгина торроқ бичган Ҳудожон!

Нега тушунмайсиз мени одамлар,
Совуқ нигоҳлардан сенчилар тикан.
Бу ожиз, ажнабий тил билмасларга,
Ўзинг тилмочлик қил энди Яратган!

Нега тушунмайсиз ахир, одамлар?
Нима исташимни мушкулми англаш.
Нега орангизда меҳр эмасу,
Гоҳида бир қаричгина ер талаш!

Нега тушинмайсиииииз, айтинг, одамлар?
Бу ёруғ оламда не қолар биздан.
Нега арзон гаров мурувватни ҳам,
Қизғаниб яшайсиз бир-бирингиздан!

Нега бунақасиз, нимага ахир?
Жондек жигардан ҳол сўролмаяпмиз?!
Ҳатто тўдасига ҳиёнат қилмас,
Битта ҳайвончалик бўлолмаяпмиз!

Нега тушунмайсиз мени одамлар?
Ҳаётдан маъно не, яшаш не учун!?
Сизнинг озорларга кўниб юрган ҳам,
Эртага топилмай қолиши мумкин!

Осмондан тушдикми оёқ узатиб,
Қисматнинг қўлида сипоҳларимиз!
Бизлар ким бўлибмиз, ахир Яратган,
Кечирса энг оғир гуноҳларимиз!

Малика Салимова

@LirikaUz Ochish/sharhlash

2022-08-22 20:09:52 Ayolni quchoqlab yig‘lashing xushdir,
Arziydi artmasang ko‘zda yoshingni.
Ayol — hasad bilmas bokira qushdir,
Bag‘ringga mehrday ketadi singib.

Kapalakday munis, armon, tashvishi
Hurkinib qo‘narkan kiftingga bir-bir
Ayolni quchoqlab yig‘lar er kishi,
Baxtin ato etsa ustivor taqdir.

Qari yoz jon berar uning poyida
Ochun ataganin aylaydi ro‘yob.
Ayol qimtinadi. Ko‘char joyidan —
Bilinar-bilinmas kuz solgan ro‘yo.

Uning xayolidan qushlar aslida
Begona yurtlarga ketmaslar bir kun.
Izillab yig‘laydi bahor faslida
Kaytmagan qaldirg‘och juftligi uchun.

Ardoqlagin, yutgin ko‘zlarda yoshin,
Ayol to‘dasidan ayrilgan qushdir.
Hayot g‘urbatlari egarkan boshing,
Ayolni quchoqlab o‘kinmoq xushdir.

Barnobek Eshpo'latov

@LirikaUz Ochish/sharhlash

2017-08-16 21:57:56 Salom, Qadrdonlar! Ochish/sharhlash

2017-05-30 09:58:01 Kel, ko'r, mani ishq nayladi...

Rangim sariq, ko`zlarim yosh,
Bag`rim pora, jigarim tosh.
Holim bilgan dardli qardosh,
Kel, ko`r, mani ishq nayladi.

Ishqing mani mast ayladi,
Oldi ko`nglum, xast ayladi.
O`ldirmakka qasd ayladi,
Kel, ko`r, mani ishq nayladi.

She'rning to'liq matnini o'qish uchun bosing Ochish/sharhlash

2017-05-27 07:40:02 Xayrli kun azizlarim!

Muborak ramazon oyining ilk saharligini eson-omon boshladingizmi?

Alloh barcha ro'zadorlarga sabr-bardosh bersin, savoblarni ko'paytirishga ulgurishimizga o'zi madadkor bo'lsin!

@LIRIKAUZ Ochish/sharhlash

2017-05-26 15:22:25 Ayolni quchoqlab yig‘lashing xushdir,
Arziydi artmasang ko‘zda yoshingni.
Ayol — hasad bilmas bokira qushdir,
Bag‘ringga mehrday ketadi singib.

Kapalakday munis, armon, tashvishi
Hurkinib qo‘narkan kiftingga bir-bir
Ayolni quchoqlab yig‘lar er kishi,
Baxtin ato etsa ustivor taqdir.

Qari yoz jon berar uning poyida
Ochun ataganin aylaydi ro‘yob.
Ayol qimtinadi. Ko‘char joyidan —
Bilinar-bilinmas kuz solgan ro‘yo.

Uning xayolidan qushlar aslida
Begona yurtlarga ketmaslar bir kun.
Izillab yig‘laydi bahor faslida
Kaytmagan qaldirg‘och juftligi uchun.

Ardoqlagin, yutgin ko‘zlarda yoshin,
Ayol to‘dasidan ayrilgan qushdir.
Hayot g‘urbatlari egarkan boshing,
Ayolni quchoqlab o‘kinmoq xushdir.

Barnobek Eshpo'latov

@LIRIKAUZ Ochish/sharhlash