Қор ёғаётган оқшом Шаҳарни кезсанг, Ғира- шира кўчаларни кезса | тестинг

Қор ёғаётган оқшом
Шаҳарни кезсанг,
Ғира- шира кўчаларни кезсанг,
Қўлларингни чўнтакка тиқиб,
Қор эса эриса лабларингда жим.

Ўйласанг, олисларда қолган
кимнидир,
Шу қорни ўйласанг, қалбинг энтикса,
Айниқса, ўзинг севган қизни
ўйласанг,
Айниқса, ўйласанг онангни.

Қор эса тинмаса,
тинмаса қадаминг.
Ўзинг ҳам бир қор учқунидай
сингиб кетсанг туннинг бағрига.

Кимгадир йўл берсанг, кимгадир
салом,
Аммо ўзинг билмасанг буни.
Қор эса бўралаб ёғаверса жим,
Адашсанг- да, сезмасанг
адашганингни.