Android, iOS... Bo'ldimi? Smartfonlar operatsion tizimlari ha | 📣 Life Tech o'quv markazi

Android, iOS... Bo'ldimi?

Smartfonlar operatsion tizimlari haqida gap ketganda faqat Android va iOS tilga olinadi. To'g'ri, ular smartfonlar bozorining 99% ini egallab olishgan, lekin boshqa tizimlar ham hamon ishlamoqda va ishlab chiqarilmoqda.

KaiOS (1-rasm): 2017-yilda ishlab chiqarilgan bo'lib, asosan "knopkali" telefonlar uchun mo'ljallangan. 2018-yilda Google ushbu tizimga $22 mln investitsiya kiritgan.

Lineage OS (2-rasm): Android asosida 2017-yilda yaratilgan OS. Oldindan o'rnatiladigan yopiq Android proshivkalarini almashtirishga mo'ljallangan. Ochiq kodli hamda Google xizmatlarining to'liq o'chirib tashlangani smartfonning xavfsizligini ta'minlaydi.

Sailfish OS (3-rasm): 2012-yilda yaratilgan, Jolla kompaniyasi (Finliyandiya) tomonidan ishlab chiqarilgan. Android ilovalar bilan ishlay oladi hamda Intel arxitekturasini qo'llab-quvvatlaydi. Qanaqadir sezilarli jihati yo'q.

Tizen (4-rasm): juda keng tarqalgan OS. Smartfonlar, planshetlar, aqlli tevizorlar, avtomobil bort-kompyuterlari, kameralar va boshqa qurilmalarda ishlatiladi. Samsung va Intel korporatsiyalari tomonida rivojlantirib kelinmoqda.

Bu ro'yxat albatta to'liq emas. Biz faqat hozirda ham rivojlanib kelayotgan OS larni sanab o'tdik. «Oborot»dan chiqib bo'lgan mobil OS lar ro'yxati ham kichik emas: Symbian, Windows Mobile, Meego va h.k. Keyingi postda shular haqida ma'lumot bo'ladi.

@ITMavzu

@lifetech_uz