Dugona va sirdoshlik Yosh qizlarda taxminan 20 yoshlargacha t | 𝓛𝓲𝓮𝓽𝓮𝔃𝔃𝓪 🕊

Dugona va sirdoshlik

Yosh qizlarda taxminan 20 yoshlargacha turli tuyg’ular, holatlar bo’ladi. Doimo sirdosh dugonaga, hamdardga ehtiyoj sezadi. Va afsuski dugonalar tomonidan ko’plab “xiyonat”lar ham aynan shu davrda bo’ladi. Siringizni ishonib aytgan dugonangizning onasi, opa-singlisi bor, bir kun sizdan xafa bo’lib qolishi bor.

Eng muhimi siz siringizni shunchaki yengil tortish uchun aytasiz. Ko’p holatlarda 2-tarafdan jo’yali maslahat ololmaysiz. Olgan taqdiringizda ham maslahatda faqatgina sizning foydangiz emas, dugonangizning ham manfaatlari bo’lishi ehtimoli yuqori. Albatta, dugonalar ham kerak, hayotimizning bir qismi, ayniqsa shu yoshdagi qizlarda. Lekin muhim masalalarda onalarni sirdosh qilib olish eng ishonchli yo’l. Chunki, avval ham aytganimizdek, bu dunyoda ota-onagina sizni sevgani uchun, shaxsiy manfaatsiz yaxshilik qiladi.

Onalarni sirdosh tutish uchun qizlarda bir to’siq bo’ladi: meni tushunmaydi, ta’qiqlar qo’yadi. Yo’q sizni tushungani uchun ta’qiq qo’yadi. Chunki ona avvalo siz yashagan davrlarni boshidan o’tkazgan ayoldir. Biron muammoyingiz, masalangiz bormi, aytib ko’ring, maslahatlarini yaxshilab tahlil qiling. Ularning maqsadi sizni sevgi, quvonchdan mahrum qilish emas, aksincha, siz shunday deb o’ylagan narsalar o’zingizni ko’zyoshlarga, afsuslarga ko’mmasligi uchundir. Vaqti kelganda o’zlari sizga yordam, maslahat beradi
vajhulqomar
@lietezza8092