2022-12-26 23:06:26
Shoir quchog'ida tug'ilgan yozma
Shoirni boshidan judo etadi.
Uzlatda yonida o'ynashib kulib,
Jinlari qoladi, xudo ketadi.
Xayolidan o'tgan bema'no o'yni
Yillab titkilashga tayyordir shoir.
Shu o'yni boshqaga ulashish bo'lsa,
Shoirga birinchi tilidir xoin.
Shoirni stulga bog'laydi ilhom,
Shu ilhom shoirga yagona ermak.
Kun qolib, ijodga sarflansa oqshom,
Yozgani kimgadir kerakdi demak.
Kimgadir albatta boradi yozma,
Asrlar o'tadi boshidan balkim.
Shoirning mehnati somon-loy emas,
Tepkisin qo'ymasin yozmaga har kim.
Shoirga sirdoshlik — katta musibat,
Ming boqma ko'ziga, yakun yo'q bunda.
Yusuf ham yozgandi, ajablanmangiz,
Quchib bugun, ketsa ertaga tunda.
Abror Husanov
67 views20:06