Kuzatish

2022-08-27 20:40:19 Bir tugʻilmoq bir oʻlmoq bor taqdirlarda,
Ikki qayta yashaganni koʻrganmisan.
Uzun yoʻlda bir bekat bor qabrlarda,
U makoning ahvolini soʻrganmisan.

Dunyolarning xoni boʻlsang farqing yoʻqdir,
Bir bandasan past u baland narxing yoʻqdir,
Gʻavgʻo solding jimjitlikda sharxing yoʻqdir,
U makoning ahvolini soʻrganmisan.

Ey Abdulloh koʻzing yoshla alam bilan,
Oʻtga yurma Haqga yurar qadam bilan ,
Tur vidolash jami yorugʻ olam bilan ,
U makoning ahvolini soʻrganmisan.


Abdulloh Davron Ochish/sharhlash

2022-08-25 18:50:17 Haqiqatni ayta olmasang yaxshisi jim tur. Ochish/sharhlash

2022-08-24 14:27:26 Sen ketib ayriliq boʻlganda gʻolib,
Parishon yuraman kelmay hushimga.
Osmonga uchsam gar bulutlar qolib,
Toshlar uriladi ikki toʻshimga.

Sen ketsang, yaxshisi birga ketaylik,
Yaka Rahmonimni yoʻlini koʻrsat.
Tanimni muzlatib borar yolgʻizlik,
Yohud unutmoqni menga ham oʻrgat.

Abdulloh Davron Ochish/sharhlash

2022-08-14 07:05:28 Alloh taolo bandalarini yer yuzini obod qilish uchun yaratdi. Otamiz Odam eng aval Allohning izni bilan Baytullohni qurgan ekanlar. Yaxshilik yoʻlida qoʻyilgan har bir gʻishtga Robbimizdan ajr bor. Zero zavodlar , shifoxonalar qurish masjidlar qurish bilan barobardir. Sizlarga Allohdan uzoq umr, barakotli hayot tilayman Qadrli hamkasblarim . Quruvchilar kuni muborak boʻlsin qadrdonlarim! Ochish/sharhlash

2022-08-13 12:50:35 Ertaga boʻlmayman qarshingda paydo,
Bugundir eng soʻngi diydor, soʻz, iqror. Ochish/sharhlash

2022-08-10 20:29:47 Bugun meni yoqtirasan ertagachi ertaga? Meni doim ertalar oʻylantiradi. Ochish/sharhlash

2022-08-05 19:51:22 Sen kitob oʻqiysan , ishq va sadoqat,
Deysan Zuhroni deb qon yutar Tohir.
Savolga tutasan: Nedan bu toqat?
Yillar oʻtayabdi yoʻqlamaysiz bir.

Sen kitob oʻqiysan, yonadi ichim,
Togʻni parcha parcha qiladi Farhod.
Savolga tutasan: Ikkimiz uchun,
Bir nafaslik diydor mushkulmi nahot?

Sen kitob oʻqiysan, javonda Qurʼon,
Menga sheʼr aytasan oyatlar qolib.
Savolga tutmasding , kechmasding oson,
Senda boʻlganida muhabbat gʻolib.

Savolga tutasan , hayolim tarqoq,
Butun vujudimda berkinadi sir.
Men ishqdan soʻzlayman ruximda titroq,
Sen savol berasan yana baribir.

Abdulloh Davron Ochish/sharhlash

2022-08-04 20:18:07 Sen kimgadir nimadadir qilayotganingda kimdir senga ham shunaqa qilayotgan bo'ladi. Olam muvozanatni saqlaydi. Ochish/sharhlash

2022-08-04 18:56:01 #kuzatish
Yaxshilik va yomonlik , muhabbat va nafrat , ishonch va hiyonat, iymon va g'aflat... Meningcha umrimiz shu ayrilkning orasida . Ikki qarama qarshi eshiklar orasida . Ammo doim ham bu oraliqda tura olmaymiz. umrimiz yo unisida yo bunisida tugaydi.

Abdulloh Davron Ochish/sharhlash