2022-09-07 05:53:43
Shu kitob albatta uyingizda bo‘lsin. Oilaviy jamlanib o‘qing.
Sahobalar!
Yerdagi yulduzlar!
Yerda yurib, oxiratni yashaganlar!
Ularni o‘qib, huzur topasiz. Har qanday holatda to‘g‘ri yashash malakasini o‘rganasiz. Dinga muhabbatingiz ortadi, oxiratni ilgari qo‘yasiz, hech vaqosiz, g‘am-qayg‘ular ichida ham dadil, umidli yashashni o‘rganasiz.
Ahlingiz, farzandlaringiz tarbiyasi uchun eng yaqin yo‘l — sahobalar bilan tanishishdir!
Alloh taolo barchalaridan rozi bo‘lsin. Bizlarni ularga munosib izdosh qilsin. Omin!
----------
Umayr ibn Sa’d Madinaga yo‘l oldi. Amiralmo‘minin huzuriga kirib, salom berdi. Umar ibn Xattob uni izzat-ikrom bilan kutib oldi. To‘rga o‘tkazib, so‘radi:
— Biz berib yuborgan dinorlarni nima qilding?
— Dinorlarni menga berganingizdan keyin u yog‘i bilan nima ishingiz bor?
— Shunchaki bilishga qiziqyapman. Sir bo‘lmasa, aytsang.
— Pullarni o‘zim uchun saqlab qo‘ydim, — dedi Umayr. — Shoyad, na molu dunyo, na bola-chaqa foyda berolmaydigan kunda nafi tegib qolsa.
Umarning ko‘ngli buzilib dedi:
— Xudo haqqi, Qur’oni karimda
: “O'zlari muhtoj bo‘laturib, boshqalarni afzal ko‘radilar”, (Hashr surasi, 9-oyat) deb baho berilgan kishilarning biri sensan.
So‘ng uning uchun bir vasaq (60 so’, taxminan bir tuya yuk) oziq-ovqat va ikki kiyimlik mato keltirishni buyurdi.
— Oziq-ovqatning keragi yo‘q, ey amiralmo‘minin, — shosha-pisha e’tiroz bildirdi Umayr. — Uyda ikki so’ arpamiz bor. Avval uni yeb tugataylik, u yog‘iga - yo Razzoq! Ammo mato uchun rahmat. Bechora xotinimning ko'ylagi eskirib, ranglari uniqib ketgandi.
Telegram | Instagram | TikTok | YouTube
4 views02:53