2022-07-21 21:39:20
Спарк ва Нексия-3 умуман йўқ, Кобальт, Дамас ва Ласеттининг фақат энг қиммат вариантлари таклиф этилмоқда
Кечадан бошлаб навбатлар тугатилди ва Президент топшириғи бажарилди деган қасамхўрлиги билан машҳур монополист Ўзавтомоторснинг @UzAvtoSavdo_bot ва UzAutoSavdo иловаси орқали Спарк ва Нексия-3 автомашинаси бўйича контрактация қилиш имконсиз бўлиб қолгани кузатилмоқда.
Бот орқали буюртма берилганида
"Ma’lumotlar olish vaqtida xatolik yuz berdi" ёзуви, илова орқали буюртма берилганида эса
"Производство данной модификации приостановлено" хабарномаси чиқмоқда.
Кобальт, Дамас ва Ласетти русумли автомашиналарни ҳам ўзингиз истаган модификацияни танлай олмайсиз. Масалан, Кобальтнинг 124,3 млн.сўмлик, 125,8 млн.сўмлик модификацияларига шартнома йўқ, юқоридаги каби ёзув сизга рўпара бўлади. Фақат 127,1 млн.сўмлик Кобальтга қаноат қилишингизга тўғри келади, бунда ҳам етказиб бериш муддати 2023 йил 28 февраль этиб белгиланган.
Ласетти билан ҳам аҳвол шу. "Катта болаларнинг машинаси"ни минмоқчи бўлганлар 156,4 млн.сўмлик энг қиммат вариантни танлашга ва келаси йил 28 февралгача кутишга мажбур. Бошқа илож йўқ.
Мавжуд автолар орасида айни дамда фақат Дамас нисбатан озми-кўпми имконли бўлиб турипти. Қарийб 87 млн.сўм Дамасга тўлов қилсангиз (ҳа, шу пулга қасамхўр монополист орқа ойналар тонировкасини қўшиб бермоқчи) келаси йил январда қўлингизга тегиши мумкин бўлади.
Манбалар дефицит сунъийлиги билан боғлиқ кўп икир-чикирларни маълум қилишмоқда. Лекин ҳозирча буни ошкор қилиб бўлмайди, ахир улар ҳаммаси ўзаро чатишиб кетишган: қоида ҳам ўзи, ҳукумат ҳам ўзи, ҳукм чиқарувчи ҳам ўзи.
P.S. Айтганча, ишлаб чиқарилиши бошлангани эълон қилинган Треккер автомобили бўйича ҳам контрактация тўхтаган. Балки 30 август куни қимматлаштирилган ҳолда қайтадан савдога чиқаришар, ким билади. Булар 26 йилдан буён маҳаллийлаштириш сафсатаси орқали қимматлаштиришнинг ҳадисини олишган-ку.
519 views18:39