KUMUSHBIBI (IJOD)

2022-09-02 08:48:57 #Nazm

Dunyolarga alishmasman kulgularingni...
Ona degan tillaringdan aylanay bo'lam!
Muhabbatim, mehrim, oppoq tuyg'ularimni,
Tuhfa etay, yog'dusidan porlasin olam!
Bolam, bolam,
Jonim bolam, darmonim bolam!
Sen borsanki,
Ming jon bo'lar, bir jonim, bolam!
Kumushbibi.

@Kumushbibi_esse_hikoya. Ochish/sharhlash

2022-08-31 09:41:53 #Nazm
#Bayrammuborak

***
O, Sog'inch!
Qiyofang ko'p bir kam dunyoda!
Xilma xil, katta - kichik,
Uzun va qisqa...
Ammo, mening sog'inchimdek ulkani yo'q!
U shunchalar bahaybatki
Sig'maydi yuragimga, vujudimga va bu Tosh shahar - azim shaharga...
Tipirchilar, oh tortadi,
Sariq ko'ylagini kiyvolib, qo'llarimdan tortqilaydi,
Hazin nigohi bilan yuragimni ezadi.
"Yur, Onamiz gullarini quchamiz!
Otamiz yurgan ostonaga suvlar sepib supuramiz!
Chelakni ol,
Esingdadir olmalari qalqib turgan sersuv ariq?
Bo'yidagi tilni yorar oq o'rikchi?
Huuv pastdagi soychi,
Zilol suvi ostidan marvarid tosh terarding
Sumalak uchun...
Qishni ham pisand etmaydigan do'lana,
Sochyuvar tozaxon majnuntol,
Esingdadir seni deb qirilib ketayozgan
Moviy ninachi?
Adirlarni esladingmi bahor husnini,
Turfa rang gullar, sufito'rg'ay,
Dengiz - bo'g'doyzor"...
Tamom, bas qil!
Sog'inch, azob berma, ortiq qiynama!
Shoshilma, izma - iz boryapman mana,
Ishlarim ko'p bilasanku,
Ro'zg'or, bola - chaqa, tashvish, bahona...
Arazlaydi ulkan sog'inch
Bahaybat qo'llarini siltaydi - yu,
Za'faraon ridosi bilan yuzlarimni somon qiladi.
Yuragimni sug'urib uchadi,
Ona yurtim tomonga
Ota yurtim tomonga
Ostonamga,
Kichik vatan,
Katta sarhad,
Otam, Onam,
Jigarlarim,
Bolaligim meni kutgan tomonga...
To'xta sog'inch! Tashlab ketma!
Ozroq kutsang yetib olaman.
Mo'jaz vatan,
Ona tuproq
Ota uyim ostonasin quchoqlayman,
Jigarlarim peshonasidan o'pamanda,
Otam
Onam
Poylariga sodiq itday
Yotib olaman!
Shoshma sog'inch...

Mastura.

@Kumush_esse_hikoya Ochish/sharhlash

2022-08-30 08:31:11 #Nasr
#Esse

Vanihoyat tugatdim. "Hamon kutmoadaman!"ning nomi o'zgardi. "Urush va tinchlik" deb o'zgartirishga qaror qildim. Eng sevimli adibim va yuragimdan joy olgan ilk roman haqida o'zgacha esse yozmoqchi edim. Ko'nglim tug'yonlarini to'lig'icha chiqarib berolmadim. Ko'p bora tahrirladim. O'chirdim, qo'shdim. Bilmadim...
Baribir siz o'quvchilarni hukmingizga havola etishni lozim topdim. Menimcha, hali ko'p bora tahrir qilsam kerak...
Marhamat!


https://telegra.ph/URUSH-VA-TINCHLIK-08-30 Ochish/sharhlash

2022-08-29 12:01:58 Кафтга қараб фол очувчи Табризий, қулоғига сирға таққан Румий, хиёнатга ундов – Элиф Шафақнинг “Ишққа оид 40 қоида”си нималарни тарғиб қилган?

Тўғриси, шу вақтгача ўқилган бирор китоб бунча сўроқ белгиларига тўлиб кетмаганди. Боз устига, таржима ҳам ўзига ярашароқ экан...

Батафсил: https://oyina.uz/kiril/article/1061

Расмий саҳифаларимиз

Web-site | Telegram | Facebook | YouTube Ochish/sharhlash

2022-08-23 10:16:39 #Qarashlar_fikrlar

Yevropada "If you can't change the man, change the man!" (Agar erkakni o'zgartirolmasang, erkakni o'zgartir!)
Osiyoda esa " If you can't change the woman, change the woman!" (Agar ayolni o'zgartirolmasang, ayolni o'zgartir!)

Barchamiz bir odam zotidanmiz, ammo, kallamiz turli xilligi bor gap!

@Kumush_esse_hikoya Ochish/sharhlash

2022-08-19 16:05:08 O‘tkir Hoshimov. "So‘qqabosh bevagina" Ochish/sharhlash

2022-08-19 12:45:25 #Essedanparcha

Juda qiyin.., agar ta'bir joiz bo'lsa azobning o'zginasi...
Ko'nglingdagi beg'ubor, gard tegmagan tuyg'ular, samimiy xotiralarni ta'rif etish, ong va qalb puchmoqlaridan sug'urib olish shunchalik daxshatki, har safar to'lg'oq azobini boshdan kechirgandek bo'lasan kishi.
Yoshligimdan ko'plab adiblarni o'qiganman; Navoiy, Qodiriy, Shukur Xolmirzayev, Said Ahmad.., Dostoyevskiy, Markes, Tolstoy, Stendal, Kobo, Balzak, Sveyg.., ammo, Ustoz, siz va o'sha hamon men bilan yashayotgan betakror romaningiz barchasidan ustunsiz! Dunyodagi eng yaxshi adib siz bo'lganingizdek, (men uchun) romaningiz ham tengi yo'q javohirdir!
Hech biri sizlardek bo'lolmaydi! Hech biri...

"Hamon kutmoqdaman" Ochish/sharhlash

2022-08-18 08:36:20 #IJOD
#ESSE

"HAMON KUTMOQDAMAN"...
(Hozircha qoralama nomi)
Kumushbibidan yangi esse!
Boshladim!
Nasib!
(Eng sevimli adibim va uning qalamiga mansub eng sevimli asar haqidagi o'y - fikr, xotiralar va qarashlarim)

@Kumush_esse_hikoya Ochish/sharhlash

2022-08-17 19:54:38 #Tez_kunda

Ibook.uz tomonidan yangi kitob taqdimoti.
Sherzod Ortiqovdan ikkinchi hikoyalar to'plami.
"MONA LIZA TABASSUMI"
Kutamiz!

@NasrNazmNavo Ochish/sharhlash

2022-08-17 12:06:27 Danny Boy | Future Shorts

#IZOHSIZ

Izoh qoldiring, hoh she'r, hoh aforizm, istang drabl, xullas, ko'nglingiz tusagan ko'rinishda!
Animatsion filmning g'oyasini o'zida aks ettirgan eng yaxshi izoh sohibi yoinki sohibasiga esdalik sovg'asi yuboriladi.
Boshladikmi?!
Faolroq bo'ling! Munosib ko'rilgan uch kishidan biri so'rovnoma asosida g'oliblikka munosib ko'riladi.
Tarqating, barcha ishtirok etishi va izohlarini kommentda qoldirishlari mumkin!
#Diqqat
Ushbu qisqa metrajli animatsion filmni bolalarga ko'rsatish tavsiya etilmaydi!
#Eslatma: 18+

@NasrNazmNavo
@Kumush_esse_hikoya Ochish/sharhlash