“Jaslar hám nızam” tańlawı Usı jıldıń 26-noyabr kúni Shımbay | SHIMBAY JASLARI

“Jaslar hám nızam” tańlawı

Usı jıldıń 26-noyabr kúni Shımbay kásip-óner mektebinde “Jaslar hám nızam” Respublikalıq huquqıy tańlawınıń Shımbay rayonlıq basqıshı bolıp ótti. Tańlawdı Shımbay rayonlıq Ádillik bólimi, rayonlıq Ishki isler bólimi, rayonlıq Xalıq bilimlendiriw bólimi, rayonlıq Mádeniyat bólimi hám Jaslar isleri agentligi rayonlıq bólimleriniń tiyisli qánigelerinen dúzilgen tóreshiler quramı bahalap bardı.

Tańlawda jaslar ózleriniń huquqıy sawatxanlıǵın sınaqtan ótkerdi hám sud processi boyınsha tayarlaǵan saxnalıq kórinislerin kórsetti. Jámi 4 shártte bolıp ótken tańlaw juwmaǵına kóre tómendegi nátiyjelerge eristi:

1-orın 14-sanlı mekteptiń “Yusticiya” toparı (Temir jol gúzarı MPJ)
2-orın 12-sanlı mekteptiń “Qalqan” toparı (Taza jol APJ)
3-orın 20-sanlı mekteptiń “Femida” toparı (Qamıs arıq APJ)
3-orın 49-sanlı mekteptiń “Yusticiya” toparı (Temir jol gúzarı MPJ)

Jeńimpaz bolǵan toparlar Jaslar isleri agentligi Shımbay rayonlıq bólimi tárepinen diplom hám estelik sawǵaları menen sıylıqlandı.