Tólem-kontrakt tiykarında oqıw ushın tálim kreditlerin ajıratı | SHIMBAY JASLARI

Tólem-kontrakt tiykarında oqıw ushın tálim kreditlerin ajıratıw tártibi

Tálim kreditleri bilimlendiriw shólkemleri bakalavr hám de magistraturanıń kúndizgi, sırtqı hám keshki tálim formasında tólem-kontrakt tiykarında oqıwǵa usınıs etilgen yamasa qabıl etilgen, sonıń menen birge oqıwın kóshirgen Ózbekstan puqarası bolǵan studentlerge beriledi.

Bunda, kredit alıwshınıń turaqlı dáramat dáregine iye shańaraq aǵzaları (ata-anası, ájaǵa-úkesi, apa-sińlisi, kúyewi yamasa hayalı) yamasa qáwenderleri birgelikte kredit alıwshı retinde qatnasıwı múmkin.

Tálim kreditiniń tiykarǵı qarızı studenttiń rásmiy oqıw múddeti tawsılǵannan keyin jetinshi aydan baslap 7 jıl dawamında qaytarıladı.

Tálim kreditin alıw ushın Finans ministrliginiń rásmiy veb-saytında daǵaza etilgen kommerciyalıq banklerine tómendegi hújjetler usınıs etiledi:

arza ;
tólem-kontrakt shártnaması hám oǵan qosımsha etiletuǵın esap beti/fakturası (ámeldegi bolǵanda). Shártnamada oqıwdı pitkeriwdiń belgilengen múddeti hám bir jıl ushın tólew muǵdarı kórsetilgen bolıwı kerek;
tálim krediti qaytarılıwınıń támiynatı boyınsha hújjet. Bunda “Sociallıq qorǵaw birden-bir reestri”ge kirgen shańaraqlardıń perzentlerine ajratılatuǵın tálim krediti boyınsha girew hám kepil adam talap etilmeydi;
“Sociallıq qorǵaw birden-bir reestri”ge kirgizilgenligin tastıyıqlaytuǵın málimleme (“Sociallıq qorǵaw birden-bir reestri”ge kirgizilgen shańaraqlardıń perzentleri ushın);
birgelikte kredit alıw ushın tiyisli maǵlıwmat.

Hújjetler 5 jumıs kúninde kórip shıǵıladı.

Tálim krediti shártnaması tólem-kontrakt shártnamasında kórsetilgen bir jıllıq tólem summasına teń muǵdardaǵı qarjıǵa dúziledi.

Tálim krediti kredit alıwshıǵa Oraylıq banktiń tiykarǵı stavkası muǵdarında ajratıladı.

Bunda, Oraylıq banktiń tiykarǵı stavkası páseytirilgen táǵdirde, tálim krediti boyınsha procent stavkası proporcional túrde páseyedi, Oraylıq banktiń tiykarǵı stavkası asırılǵan táǵdirde bolsa tálim krediti boyınsha procent stavkası ózgeriwsiz qaladı.

Usı tártip:

sırt el puqaraları hám puqaralıǵı bolmaǵan shaxslarǵa;
kommerciyalıq bankleri tárepinen Fond qarjılarınan tısqarı basqa derekler esabınan beriletuǵın tálim kreditlerine salıstırǵanda qollanıw etilmeydi.

Siyasıy gruppalastırılǵan tólem-kontraktin jáne onıń minimal muǵdarına teń bir retlik basqa tólemlerdi ámelge asırıw ushın tálim krediti ajıratılmaydı.

Telegram | Instagram | You Tube | Fecebook