Косонсой туманида вилоят Маҳалла ва нуронийларни қўллаб-қувватлаш бошқармаси билан ҳамкорликда яна бир хайрли иш амалга оширилди.
"Нуроний ва ёшлар" учрашувида иқтидорли ўқувчиларни қўллаб-қувватлаш мақсадида 55 нафар ўқувчига ўқувчи-ёшларнинг ота-оналарига вилоят ҳокимлиги ҳамда маҳалла ва нуронийларни қўллаб-қувватлаш бошқармасининг ташаккурномаси, шунингдек, “Нуроний” жамғармаси ҳисобидан 500 минг сўмдан пул мукофотлари топширилди.
Таъкидлаш жоизки, ушбу ўқувчилар ўзининг намунали хулқи, аъло ўқиши, жамоат ишларидаги фаол иштироки, фан олимпиадаларидаги ютуқлари, спорт соҳасида эришган мувафаққиятлари билан тенгдошларига ўрнак бўлмоқдалар.
