ИИВ халқаро экстремистик гуруҳларга қўшилиб кетган қидирувдаги | Kosonsoyliklar uz | Rasmiy
ИИВ халқаро экстремистик гуруҳларга қўшилиб кетган қидирувдаги бир гуруҳ ўзбекларнинг фотосуратларини эълон қилди
ИИВ ахборот хизмати таъкидлашича, Интернет бугунги кунда бутун дунёдаги вазият ҳақида сониялар ичида чексиз маълумотларни улашмоқда.
Улар орасида эса халқаро тинчликка хавф солувчи, инсонлар ўртасида шафқатсизлик ва террорни тарғиб этувчи маълумотлар ҳам жуда кўп. Интернет фойдаланувчилари эса энг аввало мана шу маълумотларни ўз зеҳни билан фарқлай олиши зарур.
Акс ҳолда эса алдов қурбони бўлиб, ёш умри, саломатлиги ва куч қувватини, уруш ўчоқларида, террорчи ташкилотларнинг ҳарбий лагерларида хазонга айлантириш ҳеч гап эмас. Мазкур жиҳатларни инобатга олган ҳолда Ўзбекистон Республикаси ички ишлар вазирлиги Халқаро экстремистик гуруҳлар фаолиятига қўшилиб, уларнинг ҳаракатларида иштирок этаётган, миллий ва умуминсоний хавфсизликка рахна солаётган бир гуруҳ шахсларга нисбатан қидирув эълон қилинганлиги ҳақида огоҳлантиради.
