Андижонда президент ташрифи олдидан экилган буталар ташрифдан | Uu
Андижонда президент ташрифи олдидан экилган буталар ташрифдан кейин олиб қўйилгани айтилган видео тарқалди. Ҳокимлик ва ҳокимнинг изоҳи бир-биридан фарқ қилмоқда.
Вилоят ҳокимлиги хабарида ҳудудда ободонлаштириш ишлари олиб бориш жараёнида гулларга шикаст етмаслиги учун улар тасвирда акс этган автомашина ёрдамида соя-салқин жойга кўчириб турилгани ва яна жойига қайтарилгани айтилган, Андижон шаҳри ҳокими Баҳромжон Ҳайдаров эса қуриган дарахтлар алмаштирилгани ҳақида гапирган.
Қайд этиш керакки, вилоят ҳокимлиги ва шаҳар ҳокимининг изоҳлари бир-бирини рад этмоқда. Шунингдек, вилоят ҳокимлиги арчалар ва гуллар қачон салқинга олиниб, қачон жойига қайтарилганига аниқлик киритмаган.
