Yoshlar bilan ishlash departamenti

2022-08-31 09:50:31 Biznesga qiziquvchi mahallamiz yoshlari diqqatiga

Tadbirkorlik bilan shug'ullanish istagida bo'lgan va startap g'oyalari mavjud yoshlarga katta imkoniyat yaratildi. Endilikda "Biznesga birinchi qadam" startap g'oyalar tanlovida ishtirok etib 60 000 000 so'm grant yutib olishingiz mumkin.

Tanlovda ishtirok etish va ro'yxatdan o'tish uchun: https://yoshlarportali.uz/oz/contests/74

Tanlovda ishtirok etish 5-sentabrgacha boʻlib, barchani faol ishtirokka chorlab qolamiz!

Telegram sahifamizga a'zo bo‘ling:

@YoshlarAgentligiQoqon Ochish/sharhlash

2022-08-26 10:25:25 #live

Hamkorlik yo‘nalishlari belgilandi

Qo‘qon universiteti va Gunadarma universiteti vakillari o‘rtasida qizg‘in muzokara bo‘lib o‘tdi.

Gunadarma universiteti professori, D.r I Made Wiryana o‘z taqdimoti orqali 1981-yilda tashkil etilgan mazkur oliy ta'lim muassasasining serqirra faoliyati xususida ma'lumotlar berdi. Har ikki universitet o‘rtasidagi hamkorlik rejalariga to‘xtalib, madaniyat, turizm bo‘yicha tashriflarni amalga oshirish, talabalar uchun qo‘shma seminarlar, kompaniyalar va davlat idoralarida xorijiy stajirovka tashkil etish borasida takliflar bildirdi.

Muzokaralarda Turizm va mehmonxonani boshqarish yo‘nalishi talabalari uchun Indoneziyaning Bali orolida amaliyot o‘tash, barcha yo‘nalishlar talabalari uchun Yozgi kurs, Robototexnika, Sun'iy idrok va boshqa kurslarda o‘qish, super kompyuterda amaliyot o‘tash imkoniyatlari haqida so‘z bordi. Bitiruvchilarining Gunadarma universitetida magistrlik darajasini olishlari, shuningdek, o‘qituvchi va talabalar ishtirok etishlari mumkin bo‘lgan qator loyihalar muhokama qilindi. Har ikki oliygoh talabalarining start-up g‘oyalarini amalga oshirishga ko‘maklashish va boshqa istiqbolli hamkorlik yo‘nalishlari belgilab olindi.

@kokanduniversity Ochish/sharhlash

2022-08-26 10:25:25 #live

Qo‘qon universiteti va Indoneziyaning Gunadarma universiteti o‘rtasida memorandum imzolandi

Ayni paytda Indoneziyaning Gunadarma va Indoneziya universitetlari professorlari xalqaro loyiha ijrosi doirasida Qo‘qon universitetida bo‘lib turibdilar. Universitetimiz faoliyati va qisqa vaqt ichida erishgan yutuqlari bu xorijlik hamkorlarda katta qiziqish uyg‘otmoqda.

Qo‘qon universiteti rahbariyati va xorijiy delegatsiya a'zolari o‘rtasida o‘zaro muzokara o‘tkazilyapti. Hamkorlik memorandumi imzolanib, kelgusida Gunadarma universiteti bazasida talabalar amaliyotini tashkil etish, tajriba almashish, istiqbolli start-up loyihalarini tatbiq etish, professor-o‘qituvchi va talabalar almashish, qo‘shma dasturlar asosida faoliyat yuritishga kelishildi.

Muzokara davom etmoqda.

@kokanduniversity Ochish/sharhlash

2022-08-26 10:25:25 Qo‘qon universitetida xalqaro o‘quv seminari start oldi

Qo‘qon universitetida YUNESKO ishlari bo‘yicha O‘zbekiston Respublikasi Milliy komissiyasi, Turizm Lab NNT, O‘zbekiston Respublikasi Innovatsion rivojlanish vazirligi bilan hamkorlikda YUNESKO qatnashuv dasturi doirasida tasdiqlangan loyihaga asosan Indoneziyaning Gunadarma va Indoneziya universitetlari professorlari tomonidan xalqaro o‘quv seminari boshlandi.

"Barqaror rivojlanish 4-maqsadini targ‘ib qilish va muvofiqlashtirishda sun'iy idrok" mavzusidagi o‘quv seminarida Indoneziya va viloyatimizning qator universitetlari mutaxassislari, professor-o‘qituvchilar, ilmiy tadqiqotchilar ishtirok etmoqdalar.

O‘quv seminarining ochilishida Qo‘qon universiteti rektori v.b G‘afurjon Zaxidov, Farg‘ona viloyati hokimining Turizm va sport masalalari bo‘yicha o‘rinbosari Xurshid Ahmedovlar insoniyatga ko‘mak berish uchun yaratilgan sun'iy intellektni barcha sohalar, xususan ta'lim tizimiga keng tatbiq etishning ahamiyatiga to‘xtaldilar va seminar ishiga muvaffaqiyat tiladilar.

Seminarda Indoneziyaning Gunadarma universiteti professori, D.r I Made Wiryana "O‘zbekiston ta’limini sun’iy intellekt davriga tayyorlash" mavzusida ma'ruza qilmoqda.

O‘quv seminari davom etmoqda.
---------------------------
Ma'lumot uchun, 2030-yilgacha barqaror rivojlanish milliy tamoyil va vazifalarining 4-maqsadida umumqamrovli va adolatli sifatli ta'limni ta'minlash hamda barchaning butun umri davomida ta'lim olish imkoniyatini rag‘batlantirish nazarda tutilgan. Bugungi o‘quv seminar ushbu muhim maqsadni amalga oshirish, bu borada sun'iy intellekt imkoniyatlarini keng targ‘ib etishga xizmat qiladi.

@kokanduniversity Ochish/sharhlash

2022-08-26 10:25:24 Barcha professor-o‘qituvchilar, ilmiy tadqiqotchi va mustaqil izlanuvchilarni o‘quv seminarga taklif etamiz

Mavzu: "Barqaror rivojlanish 4-maqsadini targ‘ib qilish va muvofiqlashtirishda sun'iy idrok".

Hamkorlarimiz:
UNESCO;
Turizm va madaniy meros vazirligi;
O‘zbekiston Respublikasi Innovatsion rivojlanish vazirligi;
Indoneziyaning Gunadarma universiteti;
Indoneziya universiteti.

2022-yilning 25, 26-avgust kunlari, 10:00 da Qo‘qon universitetida o‘tkaziladi.

O‘quv seminarda ishtirok eting va inson ongi bilan bog‘liq barcha imkoniyatlarga ega raqamli tizimlar, sun'iy idrok borasida yangilik almashing!

Ishtirokchilarga xalqaro Sertifikat taqdim etiladi

Qo‘shimcha ma'lumot olish uchun:
+998909518866.

@kokanduniversity Ochish/sharhlash

2022-08-26 10:25:24 #Orientation_week_2022
𝗦𝗲𝗺𝗶𝗻𝗮𝗿-𝘁𝗿𝗲𝗻𝗶𝗻𝗴 𝗺𝗮𝘀𝗵𝗴‘𝘂𝗹𝗼𝘁𝗹𝗮𝗿𝗶 𝗾𝗶𝘇𝗴‘𝗶𝗻

"Orientation week" doirasida Maktabgacha ta'lim (maxsus) sirtqi yo‘nalishi 1-kurs talabalari uchun seminar-trening mashg‘ulotlari davom etmoqda.

Universitetning tajribali ustoz-trenerlari talabalarni oliy ta'limga moslashtirish, universitet faoliyati va o‘quv jarayoni bilan yaqindan tanishtirishga e'tibor qaratmoqdalar.

Treninglarda ECTS tizimi va uning afzalliklari, mustaqil o‘qish, elektron platforma va uning imkoniyatlari bo‘yicha zarur bilim va ko‘nikma berilyapti. Talabalar o‘zlarini qiziqtirgan savollar yuzasidan ma'lumotlarga ega bo‘lmoqdalar.

@kokanduniversity Ochish/sharhlash

2022-08-25 16:06:46 AMALIYOTGA MARHAMAT!

Qo‘qon universitetining Boshlang‘ich ta'lim yo‘nalishi bitiruvchi kurs talabalarini "Ahmad Education" xususiy maktabiga amaliyotga taklif qilamiz.

"Ahmad Education" zamonaviy xususiy maktabida darslar xorijiy professor-o‘qituvchilar, Turkiyadan taklif etilgan malakali ustozlar tomonidan xalqaro pedagogik texnologiyalar asosida o‘tiladi. Amaliyot jarayoni talabalar uchun katta tajriba maktabi vazifasini o‘taydi.

Muhimi, amaliyot davrida o‘z qobiliyatlarini faol namoyon etgan bitiruvchilar kelgusida ish bilan ta'minlanishlari mumkin.

Qo‘shimcha ma'lumot olish uchun tel:
+998991114500

@kokanduni Ochish/sharhlash

2022-08-22 21:25:22 IT sohasida Prezident sovrini uchun tanlov oʻtkaziladi

Prezident qarori bilan 2023-yildan boshlab har yili yoshlarning axborot-kommunikatsiya texnologiyalari sohasidagi startap loyihalarini yanada qoʻllab-quvvatlash maqsadida umumiy mukofot jamgʻarmasi 1 million dollar boʻlgan Prezident sovrini uchun tanlov oʻtkaziladi.

@alisher_sadullaev Ochish/sharhlash

2022-08-22 11:21:27 Yoshlar ishlari agentligi Qo‘qon shahar bo‘limi "Navro‘z" MFY yoshlar yetakchisi lavozimiga ishga taklif qiladi

https://vacancy.argos.uz/vacancies/vacancy-detail/165725#profile

@YoshlarAgentligiQoqon Ochish/sharhlash

2022-08-03 18:14:36 Qo‘qon universitetida o‘tgan 2021-2022 o‘quv yili davomida ilmiy salohiyat va ta’lim sifatini oshirish, innovatsiyalarni keng tatbiq etish, ta’limni ishlab chiqarish bilan integratsiyalash, o‘quv jarayonini ish beruvchi talablariga moslashtirish hamda talabalarning o‘z ustida ishlashi uchun qulay muhit yaratishga alohida e’tibor qaratildi.

Qo‘qon universiteti jamoasining erishgan yutuqlari;
istiqbolli xalqaro hamkorlik aloqalari;
ilmiy-akademik salohiyat ko‘rsatkichlari;
nufuzli delegatsiyalarning muhim tashriflari;
yoshlar ta’lim-tarbiyasi yo‘lidagi ibratli tashabbuslar - universitetda amalga oshirilgan ishlar sarhisobi bilan ushbu videolavha orqali tanishish mumkin



Ochish/sharhlash